[A:94] mya ngan las 'das nas lo dgu brgya na 'phags pa thogs med byon nas lo brgya dang lnga bcur bzhugs par gsungs shing | 'di'i dgung grangs yang phyed lo dang kha tshang gi 'dod lugs mi 'dra ba yod cing | 'phags pas lo bcu gnyis su byams pa bsgrubs nas dga' ldan du byon te mi lo lnga bcur bzhugs nas theg chen gyi zab don mtha' dag gsan rjes slar mi yul du byon nas byams pa'i chos lnga | rgyan rnam gnyis | 'byed rnam gnyis | rgyud bla rnams legs par yi ger bkod cing lo brgya dang lnga bcu'i bar bzhugs nas byams chos de dag gi dgongs pa 'grel byed sa sde lnga sogs bstan bcos du ma brtsams te rgyal ba'i bka' dang pos gang zag gi bdag med bar pas chos kyi bdag med tha mas don dam gnas lugs ji bzhin yongs rdzogs su gtso bor legs par bstan pa'i sgo nas nges don gzhan stong dbu ma chen po'i gnas lugs brtsams te theg pa chen po'i spyod phyogs rgya che ba'i zab gsang gi tshul rgyal ba'i dgongs pa ji bzhin rgyal tshab nyid kyis de lugs ltar bkral ba'i bzhed dgongs legs phye mdzad pa'i nges pa don gyi dbu ma gzhan stong gi shing rta'i srol rnam par 'byed pa'i mdzad bzang rlabs che bas theg chen nges don gyi dbu ma ches dar bar mdzad |
'di skabs nas 'phags yul du slob dpon klu sgrub yab sras ma zad 'phags pa thogs med sku mched rjes 'brang bcas theg chen dbu ma stong phyogs spros bral gyis rtag pa yod pa'i mtha' dang snang phyogs don dam gyis chad pa med pa'i mtha' gnyis legs bsal byas te mtha' bral dbu ma chen po'i dgongs don kun nas mtshangs par 'chad pa la 'gran zla dang bral ba'i theg chen dbu ma'i slob dpon snga phyi khyad med rtsod bral yongs grags yin pas klu thogs gnyis ka dbu ma'i slob dpon chen po thugs dgongs gnas lugs gcig tu gzhol ba 'ba' zhig par gor ma chag go | |
'phags pa thogs med rab tu byung ba'i phyi lo tsam nas slob dpon dbyig gnyen 'khrungs te dgung lo brgyar nye ba tsam bzhugs nas nges don dbu ma'i tshul mchog yum gsum gnod 'dzoms sogs bstan bcos du ma brtsams pa'i sgo nas zab don snying po gtsor gyur theg chen rgya cher 'dzin skyong spel bar byas | 'di'i sku tshe'i smad tsam na slob dpon phyogs glang byon zhing | sku mched dngos slob sangs rgyas 'bangs kyi sku tshe'i smad dang | legs ldan rnam grol sde gnyis kyi sku tshe'i stod dus mnyam tsam du mngon | legs ldan sogs kyis thogs med lugs sems tsam mo zhes 'gog par mdzad pas phyis su legs ldan sku gshegs pa'i 'og tu theg chen rnam pa gnyis su gyes te tshul de lugs kyi rtsod pa'ang byung | legs ldan dang snga phyi cher med par cung snga tsam na slob dpon klu'i rjes 'brang sangs rgyas bskyangs byon zhing | gang ltar yang de gnyis klu'i rjes 'brang phyis byon ma gtogs dngos slob ma yin la | klu sgrub kyi dngos slob re'i zhabs zin pa'i phyis kyi brgyud 'dzin dbu ma thal rang gi srol phye mkhan skad