[A:322]
གྲ་ཐང་གི་གཙུག་ལགལ་ཁང་དང། རིགས་ལྔ་ལྷ་ཁང་སོགས་སུ་ཆོས་ཀྱི་འཁོར་ལོ་བསྐོར་བའི་བདག་རྐྱེན་ནི། དཔོན་བཞི་འཛོམ་ཡབ་སྲས་དང། དཔོན་ཆེན་དགེ་བསྙེན་གྱིས་མཛད།
དཔལ་ཆུ་བོ་རི་དང། དྲང་སྲོང་སྲིན་པོ་རི་དང། ཆུ་ཤུལ་གྱི་གནས་ལ་སོགས་པར་ཆོས་ཀྱི་འཁོར་ལོ་བསྐོར་བའི་བདག་རྐྱེན་ནི་ཆུ་ཤུལ་སྟོང་དཔོན་བསོད་ནམས་བཟང་པོས་མཛད།
ཁྱད་པར་དུ་སྙེ་ཕུ་ཤུག་གསེབ་ནས་སྲིན་པོ་རིའི་བར་གྱི་རི་རྒྱུད་རིང་ཞིང་ཉམས་དགའ་བ་སྔོན་གྱི་ལྷ་བཙན་པོ་མངའ་བདག་རལ་པ་ཅན་དང། སློབ་དཔོན་ཆེན་པོ་པདྨས་བྱིན་གྱིས་བརླབས་པའི་ས། བོད་ཀྱི་རི་བོ་རྩེ་ལྔ་ལ་སོགས་པར་ཤིང་དང། ལོ་མའི་སྤྱིལ་པོ་དག་ཏུ་ལོ་གྲངས་དུ་མའི་བར་དུ་དབྱར་སྟོན་རེ་མོས་ཀྱིསཀྱི་བཞུགས་ཤིང། ཆོས་ཀྱི་འཁོར་ལོ་བསྐོར་བ་དང། བསྟན་བཅོས་ཀྱི་རྩོམ་པ་མང་དུ་མཛད་པའི་སྦྱིན་བདག་ནི། བསྟན་པའི་སྦྱིན་བདག་ཆེན་པོ་ཤེལ་གྲོང་པ་ཁུ་དབོན་གྱིས་མཛད། དུས་དེར། རི་བོ་རྩེ་ལྔའི་མགུལ་དུ་སྟོང་ཕྲག་ཉི་ཤུ་ལྔ་པའི་མདོ༎ ཤནྟི་པའི་དག་ལྡན་དང་འཐུན་པར་གསུངས་པ་ན། ས་རྣམ་པ་དྲུག་ཏུ་གཡོས། མེ་ཏོག་གི་ཆར་བབ་ཙན་དན་གྱི་དྲི་བསུང་གིས་ཁྱབ་པར་མཛད་དོ༎
ཡང་དུས་དེ་དང་ཉེ་བ་ཞིག་གི་ཚེ། སྙེ་ཕུ་ཤུག་གསེབ་ཏུ། མདོ་སྡུད་པའི་རྣམ་བཤད་མཛད་པ་ན། མེ་ཏོག་གི་ཆར་བབས་ཤིང། རྨ་རིན་ཆེན་མཆོག་གི་སྐྱེ་བ་ཡིན་པའི་ལུང་བསྟན་ཡང་དེར་རྙེད་དོ༎
གཞན་ཡང་ས་ཕྱོགས་དེ་ཉིད་དུ་བཞུགས་པའི་ཚེ། རྗེ་བཙུན་ཉིད་ཀྱི་ཐུགས་རྒྱུད་ལ་ལུང་རྟོགས་ཀྱི་ཡོན་ཏན་མང་དུ་འཁྲུངས། ཕྱིས་དགོན་པ་འདེབས་པའི་ས་ཕྱོགས་དེ་ཐུགས་ཉམས་ལ་ཤར་ནས་དེར་ཆོས་གསུང་བའི་སྣང་བ་བྱུང་བར་སྣང་ངོ་ཤེས་དུས་དེར་ཞབས་དྲུང་ན་འཁོད་པ་དག་གིས་བཤད་དོ༎
རིག་བྱེད་བསྟན་བཅོས་བཞི་པོ་ནི༎
རྒྱ་མཚོའི་དབུས་སུ་ལྷུང་བ་ན༎
འཕྲོག་བྱེད་འཇུག་པས་བླངས་ནས་ནི༎
ལྷ་རྣམས་