R66: རྗེ་བཙུན་ཐམས་ཅད་མཁྱེན་པའི་བཤེས་གཉེན་ཤཱཀྱ་རྒྱལ་མཚན་དཔལ་བཟང་པོའི་ཞལ་སྔ་ནས་ཀྱི་རྣམ་པར་ཐར་པ་ངོ་མཚར་དད་པའི་རོལ་མཚོ།

« Title Page

Pagination (Witness A): 301

Last Page »

[A:301]བསྡུས་པ་དང།

1.2

སྐུ་ཚེ་འདིའི་རྣམ་པར་ཐར་པ་རྒྱས་པར་བཤད་པའོ༎

1.1

སྔོན་བྱུང་བ་སྐུ་ཚེ་སྔ་མའི་ལོ་རྒྱུས་མདོར་བསྡུས་པ། དང་པོ་ལ་གསུམ་སྟེ།

1.1.1

གྲུབ་ཆེན་མཚོ་སྐྱེས་ཀྱིས་ལུང་བསྟན་མཛད་པའི་ཚུལ་དང།

1.1.2

གྲུབ་ཆེན་གཞན་གྱིས་ལུང་བསྟན་པའི་ཚུལ་དང།

1.1.3

དེ་གཉིས་ཀ་མི་འགལ་བའི་རྒྱུ་མཚན་ནོ༎

1.1.1

གྲུབ་ཆེན་མཚོ་སྐྱེས་ཀྱིས་ལུང་བསྟན་མཛད་པའི་ཚུལ། དང་པོ་ནི། སྔོན་བོད་ཀྱི་ལྷ་བཙན་པོ་ཁྲི་སྲོང་སྡེའུ་བཙན་གྱི་དུས་སུ། སྤྲུལ་པའི་ལོ་ཙྪ་བ་ཆེན་པོ་རྨ་ཨཱ་ཙརྱ་རིན་ཆེན་མཆོག་ཅེས་བྱ་བ་སད་མི་མི་བདུན་གྱི་ནང་ནས་ལྟ་བ་མཆོག་ཏུ་གྱུར་པར་གྲགས་པ། དེའི་རིགས་ནི་རུས་ཆེན་རྨ་ཞེས་བྱ་བའོ༎ ཡུལ་ནི་དབུ་རུ་བྱང་ཕྱོགས་འཕན་ཡུལ་གྱི་སའི་ཐིག་ལེ་རྨ་བཙོ་ཞེས་བྱ་བའོ༎ དེས་བསྒྲུབ་པ་རྩེ་གཅིག་ཏུ་མཛད་པའི་དགོན་པ་ནི་རྫོང་ཕུ་ཞེས་བྱ་བའོ༎ སློབ་དཔོན་དེས་བྱང་ཆུབ་སེམས་དཔའ་ཞི་བ་འཚོའི་དྲུང་དུ་རབ་ཏུ་བྱུང་ཞིང་བསྙེན་པར་རྫོགས། ལྟ་བ་ཀླུ་སྒྲུབ་ཀྱི་ལུགས་ཕྱིན་ཅི་མ་ལོག་པར་ཐུགས་སུ་ཆུད། རྒྱ་ནག་མཁན་པོའི་ལུགས་ཀྱི་ལྟ་བ་སུན་ཕྱུང། གསང་སྔགས་ཀྱི་བསྟན་བཅོས་དུ་མ་མཛད། གྲུབ་ཆེན་མཚོ་སྐྱེས་ཀྱི་དྲུང་དུ། དབང་དང་གདམས་པ་ཁྱད་པར་ཅན་གསན་