[A:381]གཏན་སྤངས་ཀྱང༎
སྐལ་བཟང་དད་པའི་འཛུམ་ཕྲེང་ལ༎
ལྷག་པརལྷག་པ་ཆགས་པའི་དཔལ་འདི་ཤར༎
ཅེས་བྱ་བ་སྨྲས་ཏེ། ངེས་པའི་དོན་དུ་ན། དུས་གསུམ་སངས་རྒྱས་ཐམས་ཅད་ཀྱི་མཁྱེན་བརྩེ་མ་ལུས་པ་གཅིག་ཏུ་བསྡུས་ནས། སྙིགས་མའི་དུས་ལ་བབ་པ་ན་འགྲོ་བ་རང་རང་དང་འཚམས་པའི་སྐུར་བསྟན་ནས་སེམས་ཅན་གྱི་དོན་མཛད་པ་ནི་བསམ་གྱིས་མི་ཁྱབ་པས། བླ་མ་དམ་པ་དུས་གསུམ་སངས་རྒྱས་ཐམས་ཅད་ཀྱི་ངོ་བོར་བཞུགས་པ་ཡིན་མོད་ཀྱི་རང་ཅག་རྣམས་ལ་ཐུན་མོངས་དུ་ཇི་ལྟར་སྣང་བའི་ཚུལ་མདོ་ཙམ་བརྗོད་པ་ལ་གཉིས།
1
གླེང་བསླང་བ་དང། 2
སྐབས་སུ་བབ་པའི་དོན་ནོ༎
1
དང་པོ་ནི།
འཛམ་གླིང་དུམ་བུ་བཅུ་གཉིས་པོར༎
སྟོང་ཕྲག་བཀའ་ལུང་རྩོལ་མཁས་པའི༎
དཔལ་ལྡན་དང་པོའི་སངས་རྒྱས་ཀྱི༎
ཕྲིན་ལས་ཡོངས་སུ་རྫོགས་པ་ནི༎
མི་བདག་གྲགས་པའོ༎
ཞེས་སྨྲས་ཏེ། དེའང་འཛམ་བུའི་གླིང་གི་སའི་ཁྱོན་ཆེན་པོ་བཅུ་གཉིས་སུ། རྫོགས་ལྡན་དང། གསུམ་ལྡན་དང། རྩོད་ལྡན་གྱི་དབྱེ་བས་ཉི་ཁྲི་དང་ཆིག་སྟོང་དྲུག་བརྒྱའི་ལོ་རྣམས་སུ་བར་མཚམས་མེད་པར་མཐའ་ཡས་པའི་སེམས་ཅན་སྨིན་སྒྲོལ་གྱི་ལམ་ལ་འགོད་པའི་ཐབས་གཞན་དང་ཐུན་མོང་མ་ཡིན་པ་སྟོན་པ་དཔལ་ལྡན་དང་པོའི་སངས་རྒྱས་ཀྱི་ཕྲིན་ལས་ཡོངས་སུ་རྫོགས་པར་མངའ་བ་ནི། མིའི་བདག་པོ་གྲགས་པ་ཞེས་ཡོངས་སུ་གྲགས་པ་