[A:424]ཅིང། ལྷུན་གྱིས་གྲུབ་པའོ༎ ༎
སྭ་སྟི།
ཆོས་ཀུན་ཀུན་མཁྱེན་གསུང་བཞིན་མཁྱེན་པའི་སྐུ༎
གཞན་ཕན་ལ་དགའ་དགའ་བཞིས་ཕྱུག་པའི་གསུང༎
ཐུགས་ཀྱི་རྡོ་རྗེ་རྗེ་བཙུན་གོང་མ་ཡིས༎
ལུང་བསྟན་བསྟན་པའི་མངའ་བདག་བསྔགས་པར་འོས༎
གང་འདིར་ཐུབ་པ་རྣམས་དང་ས་སྐྱོང་རྒྱལ་པོའི་སྲས་ནི་འབད་མི་དགོས་པར་ལྷུན་གྱིས་གྲུབ་སྟེ་ཡེ་ཤེས་དག་དང་བསོད་ནམས་ཚོགས་ནི་བརྒྱ་ཕྲག་ངལ་བས་བསྐྲུན་མིན་པར་ཡང་ཡིད་བཞིན་མཚོ་ལྟར་ངང་གིས་གང༎
ཐོས་དང་བསམ་དང་བསྒོམ་པའི་ལམ་སྲོལ་དྲང་པོ་ཉིད་དུ་རིགས་པར་རྗེས་ཞུགས་བསླབས་ཤིང་སྦྱངས་པའི་སྤོབས་པ་མི་ཟད་དང་བཅས་རིགས་ཤིང་གྲོལ་བར་འཆད་པའི་གསུང་གང་གིས་ནི་འཁོར་ཚོགས་རྒྱ་མཚོ་བསྡུས༎
བྱང་ཆུབ་སེམས་མཆོག་བདེ་བར་རྒྱུ་བའི་ལམ་ཆེན་ཉིད་ནས་འགྲོ་ཀུན་སྒྲོལ་བའི་ཡབ་དང་བརྩེ་བའི་ཡུམ་ཆེན་ཉིད་དུ་ཉེར་གཟིགས་ཀུན་ལ་ཕན་དང་བདེ་བའི་བྱེད་པོར་ཞལ་གྱིས་བཞེས་ལས་དགོངས་པ་གཞན་མི་མངའ༎
དུས་རྣམས་དག་ཏུ་ཐུབ་པའི་བསྟན་དང་དེ་འཛིན་བྱེད་ལ་བཀུར་སྟིར་བགྱིས་ལས་མཛད་གཞན་མི་འཚལ་ཇི་ལྟར་དགོངས་བཞིན་བགྲངས་ཡས་གདུལ་བྱའི་རྒྱུད་ལ་བདུད་རྩིར་སྨིན་མཛད་དེ་ཡང་ཟབ་ཅིང་རྒྱ་ཆེའི་སྨོན་ལམ་སྟོབས་ཀྱིས་ཕྲིན་ལས་དབང་པོར་གྱུར་དེར་མགོས་ཕྱག་འཚལ༎
ཞེས་རྗེ་བཙུན་ཆོས་ཀྱི་རྗེ་ཀུན་དགའ་རྡོ་རྗེའི་ཞལ་སྔ་ནས་ཀྱི་རྣམ་པར་ཐར་པ་དད་པའི་སྟོབས་རབ་ཏུ་སྐྱེད་པ་ཞེས་བྱ་བའདི་ནི། རྗེ་དེ་ཉིད་ལས་གསུང་ངག་རིན་པོ་ཆེ་ཡོངས་སུ་རྫོགས་པ་ལན་གྲངས་དུ་མར་གསན་ནས། ཐུགས་རྒྱུད་ལ་སྨིན་པར་མཛད་པའི་སྐབས་སུ། བསྒྲུབ་པའི་ལུང་སྦྱིན་པར་མཛད་དེ། ལོ་གྲངས་ཇི་སྲིད་པར་རྒྱས་བཏབ་སྟེ། སྐབས་སུ་བབ་པའི་དུས་དེ་ནས་གསུང་ངག་རིན་པོ་ཆེའི་བསྒྲུབ་བརྒྱུད་མི་འཆད་པར་འཛིན་པོ་ཉིད་དུ་བཀའ་བསྒོ་བརྙེས་པ། རྒྱ་མ་རིན་ཆེན་སྒང་གི་མཁས་ཆེན་ཀུན་སྤངས་ངག་དབང་དཔལ་