[A:441]བརླབས་ཆེ་ཞིང། རྣམ་གྲངས་མང་བ་དང་བཅས་པ་བཞུགས་སུ་གསོལ་ནས། དགེ་བའི་བཤེས་གཉེན་འདུས་པ་རྒྱ་མཚོའི་ཚོགས་ཀྱིས་རབ་ཏུ་གནས་པ་རྒྱས་པར་མཛད་པ་བསྒྲུབས་ནས། སྤྱན་དབྱེའི་དགའ་སྟོན་གྱི་རིམ་པ་རྒྱ་ཆེ་ལ་བྱིན་ཆགས་པ། འཇའ་ཚོན་གྱི་གུར་དང། མེ་ཏོག་གི་ཆར་ལ་སོགས་པ་ལྟས་མང་པོ་དག་དང་བཅས་ཏེ་ལྷུན་གྱིསགྱི་གྲུབ་པར་མཛད་པ་ཡིན་ནོ༎
འདིར་སྨྲས་པ།
བློ་གྲོས་འཁོར་ཡུག་ཡངས་པའི་ས་ཆེན་འདིར།
བསླབ་གསུམ་རྒྱལ་མཚན་ཚུགས་པའི་རྩེ་མོར་ནི༎
དཔལ་ལྡན་ཕྲིན་ལས་བཟང་པོའི་ནོར་བུ་ཡིས༎
དགེ་ལེགས་ཆར་ཆེན་ཕེབས་པའི་བཀྲ་ཤིས་སྤྱོན༎
གང་གི་རང་བཞིན་གཉེན་ཞིང་གཤིན་ལ་ཁྲོ་མི་མངའ་བས་ལོག་པར་གཤེ་ལའང་འཛུམ་མདངས་བཟང་པོས་གསོང་པོར་སྨྲ་མཛད་པ༎
ནམ་དུ་ཡང་ནི་ཁྲིམས་དང་ཐོས་པའི་རློམ་པས་ཁེངས་པར་མི་མཛད་མཐོ་དམན་ཡོངས་ལ་ཕྲག་དོག་མེད་པར་ཀུན་གྱི་དགེ་ལ་ཡི་རང་བས༎
མང་དུ་གསན་དང་བཤེས་གཉེན་ཚོལ་ལ་སྐྱོ་ངལ་སྤངས་པའི་བརྩོན་འགྲུས་ཀྱིས་ནི་མཐའ་ཡས་ཡོན་ཏན་ཚོགས་རྣམས་ལྷུན་གྱིས་གྲུབ༎
དངོས་གྲུབ་ཀུན་གྱི་རྩ་བ་རྡོ་རྗེ་སློབ་དཔོན་རྫོགས་སངས་རྒྱས་སུ་ལྟ་བྱེད་མཁན་དེ་བློ་གྲོས་རྒྱལ་མཚན་དཔལ་བཟང་པོའི༎
མཛད་པ་ཡིན་ནོ་དེ་དང་མཚུངས་པ་གཞན་དག་གང་ན་མཆིས་ཀྱང་གུས་པའི་ཡིད་ཀྱིས་ཐལ་མོ་སྦྱོར༎
ཞེས། རྗེ་བཙུན་ཆོས་ཀྱི་རྗེ་གླང་རི་ཐང་པ་བློ་གྲོས་རྒྱལ་མཚན་དཔལ་བཟང་པོའི་རྣམ་པར་ཐར་པ་མདོ་ཙམ་དུ་བྱ་བ་མོས་པའི་སྟོབས་རབ་ཏུ་བསྐྱེད་པ་ཞེས་བྱ་བའདི་ནི། རྗེ་བཙུན་དམ་པ་དེ་ཉིད་ཀྱི་དབང་ལུང་དང། བཤད་པ་དང། མན་ངག་གི་རྒྱུན་བཟུང་ནས། སྒྲུབ་པའི་བརྒྱུད་འཛིན་པ་ལ་མཆོག་ཏུ་གཞོལ་བ། རྒྱ་མ་ཀུན་སྤངས་པ་ངག་དབང་དཔལ་འབྱོར་བཟང་པོ་དང། མང་དུ་གསན་པ་རྒྱ་མཚོའི་དབུས་སུ་གནས་པ་བྱ་ཡུལ་མཁན་པོ་རྒྱལ་མཚན་མགོན་པོ་བ་སོགས་ཀྱིས་བསྐུལ་བའི་ངོར་བགྱིས་ནས། གླང་རི་ཐང་པ་