[A:104]བཞག་འཕྲལ། འོད་གསལ་རྩེར་ཀྱེ་རྡོ་རྗེའི་བསྙེན་བསྒྲུབ་ཟླ་བ་དགུ་པ་ཅིག་མཚམས་བཅད་ཆ་དམ་པར་བྱས། དེ་དུས་སྡིག་པ་འདྲ་དག་པའི་རྟགས་ཡིན་ཡོད། ཐོ་རང་འོད་གསལ་གྱི་འཆར་སྒོ་ཡ་མ་ཆ་འགའ་རེ་བྱུང། འོད་གསལ་རྩེ་མོ་མིང་དོན་ལྡན་ཡིན། ཞེས་གླང་ཐང་དུ་ནེ་གུ་གསུང་བའི་སྐབས་ཅིག་གསུང་ཞེས། ནེ་གུ་ཉན་པའི་མངའ་རིས་པའི་གྲྭ་རྒན་འགའ་རེས་ཟེར་བ་ཐོས་ཤིང། ཡང་ཁོག་ལུང་རབ་འབྱམས་པ་ནམ་མཁའ་རབ་གསལ་བའི་གསུང་ལས། པཎ་ཆེན་རིན་པོ་ཆེས་འཕན་ཡུལ་གྱི་ནཱ་ལེནྡྲའི་འཁྲིས་ཀྱི་འོད་གསལ་རྩེར་འོད་གསལ་གྱི་ངང་ནས་སངས་རྒྱས་ཀྱི་ཞིང་ཁམས་གཟིགས་ལུགས་དེ་འདྲ་སྔོན་གྱི་གྲུབ་ཐོབ་གོང་མ་གང་ནའང་མེད་གསུང་ངོམ་ངོམ་མཛད་པས་ཀྱང་མཚོན་ནོ༎
དེར་དགུང་ལོ་བཞི་བཅུ་ཞེ་གཅིག་ཏུ་ཕེབས་པ་ས་ཕོ་བྱི་བའི་ལོ་vc: 1468། དབུ་མ་འཇུག་པའི་ཊཱི་ཀ་ངེས་དོན་གནད་གི་ལྡེ་མིག་འདིའི་ཐུགས་རྩོམ་གནང་འཕྲལ། དབྱར་དེ་ཡང་སྐུ་མཚམས་བཅད་ཆ་མ་ཞིག་གི་དགོངས་པ་ཡོད་པ་ལ། གཙང་ཕྱོགས་ནས་སྐད་ཆ་འཕར་མ་ལ། རྗེ་དོན་ཡོད་དཔལ་བའི་དྲུང་ཚོ། གཞི་སྡེ་མཁྱེན་རབ་པས་གསང་ཐབས་ཀྱིས་བྱང་ལམ་ལ་སྤྱན་འདྲེན་པ་འདུག་ཟེར་བ་གསན་འཕྲལ། དེ་ལྟར་ན་ཕྱག་འབུལ་ཞིག་ལ་མ་ཕྱིན་ན་ག་ལ་ཡོང་དགོངས། པཎ་ཆེན་ཉིད་ལ་ཆིབས་ཙམ་ལས་གཞན་སྒལ་མ་མ་གནང་བར་མྱུར་སྤྱོད་དུ་ཕེབས་པས། རྗེ་དོན་ཡོད་དཔལ་བ་དཔོན་སློབ་རྣམས་ཉུག་རྒྱལ་ཁང་ན་ཆོས་དབར་ལ་བཞུགས་པའི་སྟེངས་སུ་ཕེབས། དེར་རྗེ་དོན་ཡོད་དཔལ་བའི་དྲུང་གིས། ཕྱག་ལེན་སོགས་དཔེ་མེད་ཀྱི་བཀུར་སྟི་གནང་ཞིང། དེར་འདུས་གྲྭ་པ་བུ་སློབ་ཀུན་གྱིས། སྔ་སོར་སྲས་མཆོག་པས་གསང་ཕུ་ཚུལ་དུ་སྙན་གསན་ཕུལ་བའི་དོན་འབྲས། རྗེ་དོན་ཡོད་དཔལ་བའི་གདན་ས་གནང་དགོས་ཟེར་ནན་བསྐྱེད་ཀྱི་ཞུ་