[A:152]གཉིས་པོ་གཞོན་པ་འདིས་ཕན་ཐོགས་ཤེས་སྤྱང་ལུང་རིན་པོ་ཆེས་ལུང་བསྟན་ཡོད་གསུང་བ་རང་རེའི་སྤྱང་ལུང་རིན་པོ་ཆེ་དེ། དུས་གསུམ་སྒྲིབ་མེད་ཀྱི་སྤྱན་ལྡན་ཡིན་པས། ཁྱེད་རང་གི་འགྲོ་དོན་ཡོང་བ་ཡང་དཔེ་བས་སྐྱོར་གསུང་ནས། སྔར་ཁོང་ལ་གསུང་བ་རྣམས་བསྐྱར་ཆོས་གནང་བས་ས་ཐོབ་པ་ཙམ་གྱི་དགའ་བ་བྱུང། དེའི་ཉིན་མན་དག་བྱེད་སྟོང་རའི་དམིགས་པ་ཉིན་རེ་ལ་ཚར་སྟོང་རྭ་ཅན་བསྒོམ་པ་འཆག་མེད་ཡིན་གསུང་བ་དངོས་ལས་ཐོས་སོ༎
དེར་དགུན་ཆོས་ལ་རྒྱ་མར་ཕེབས་དགོས་པའི་སྙན་ཞུས་ཕུལ་ཞིང། ཞལ་བཞེས་ཀྱང་གནང་ཚར་བ་ལ། གཙང་ཕྱོགས་སུ་དུས་མི་བདེ་བའི་ཐུགས་གཡེངས་ཆེན་པོའི་དབང་གིས་གཞིས་ཀ་རིན་སྤུངས་ནས་སྤྱན་འདྲེན་དོས་དྲག་པའི་སྟབས་ཀྱིས་མགྱོགས་མྱུར་རོང་ཆུང་གི་འཕྲད་ལ་བྱས་ཕེབས་ཤིང། འབྲས་ཡུལ་རྫོང་དཀར་དུ་བསྟན་པའི་མེས་པོ་བྱམས་ཆེན་རབ་འབྱམས་པ་སངས་རྒྱས་འཕེལ་བ་དང་མཇལ། རྒྱང་རིང་མོ་ནས་གཞིར་བཞུགས་པའི་དགེ་འདུན་ཚོགས་ཀྱིས་བསུ་བའི་བཀོད་པ་རྒྱ་ཆེན་པོས་སྤྱན་དྲངས་ཤིང། བསྟན་པའི་རིང་ལུགས་མི་ཉམས་པའི་ཆེད་དུ་བསླབ་ཕྱག་གི་བཀུར་སྟི་ཕུལ་བ་ན། ཕྱག་ལན་སོགས་གུས་པའི་དག་སྣང་མ་ལོག་པར་སྩོལ་བར་མཛད་ཅིང། དེར་བྱམས་ཆེན་རབ་འབྱམས་པ་དགེས་པ་མཆོག་ཏུ་འཁྲུངས་ཏེ། རང་རེའི་གྲྭ་པརvc: or: pa ra?རྒན་མ་ཆར་བས་བརྡུངས་པ་འདྲ་བ་རྣམས་གྲལ་གྱི་མཐའ་ལ་ཕུད་ལ། དྲུང་ཆེན་པོ་བའི་གྲྭ་པ་སེང་ཆེན་འགྱིང་བ་འདྲ་བ་དེ་རྣམས་གྲལ་གྱི་གུང་ལ་སྒྲིགས་ཤིག་ཅེས་གསུང། དཔངས་མཐོ་བའི་གྲལ་བསྒྲིགས་རྣམས་ཀྱང་བཀས་ཁྱབ་པར་མཛད་ཅིང། བྱེས་ཀྱི་དཔོན་སློབ་མ་ལུས་པས་འཇམ་དབྱངས་ཀྱི་བསྟོད་པ་གང་བློ་མའི་ལུང་ཆོས་འགྲེལ་དུ་གསན་ཞེས། དེ་དུས་གྲལ་ལ་ཡོད་པའི་བྱམས་ཆེན་རབ་འབྱམས་རྗེའི་དངོས་སློབ་ཆོས་ཟོམ་རབ་འབྱམས་པ་གཞོན་ནུ་བློ་གྲོས་པ་དང།