[A:178]མ་སོང་པའི་ཟར་ཟིར་ཞིག་ནི་འདུག་ཅེས། པཎ་ཆེན་དཔལ་ལྡན་ཚུལ་ཁྲིམས་དངོས་ཀྱི་གསུང་ལས་རྣ་བར་སོན་པའོ༎
དེ་ནས་རྗེ་བྲག་དམར་བས་ཞུ་བའི་གཙོ་བོ་གནང་བས། གསང་འདུས་འཕགས་སྐོར་གྱི་དབང་རྒྱུད་རིམ་ལྔའི་ཕྱག་ཁྲིད་རྣམས་ཀྱང་སྩལ་ལོ༎
དེ་ལོ་vc: 1494དཔྱིད་ཆོས་སྲེད་ཁ་སྦེད་བཏེག་ཅིང། དེར་དཔོན་ས་བདག་ཆེན་མའི་དྲུང་ལ་སྦྱོང་རྒྱུད་ཀྱི་དཀྱིལ་འཁོར་བཅུ་གཉིས་ཀྱི་དབང་བསྐུར་གནང་ནས། སྣར་ཐང་པས་ཟླ་ཕྱེད་ཕོགས་ཅིག་ཕུལ། ཆུ་མིག་ཏུ་བཞུགས། དེའི་རིང་སྒྲོལ་མ་ཉེར་གཅིག། རྣམ་དག་གཙུག་གི་ནོར་བུའི་ལུགས་ཀྱི་དབང་རྗེས་གནང་ཚོགས་ལ་སྩོལ་བར་མཛད་ནས། དབྱར་གནས་ལ་གསེར་མདོག་ཅན་དུ་ཕེབས་པས། སླར་རྣལ་འབྱོར་དབང་ཕྱུག་དབུས་སྨྱོན་རུས་པའི་རྒྱན་ཅན་ཞབས་དྲུང་དུ་བྱོན། ལས་ཅན་གྱི་གདུལ་བྱར་གཟིགས། ལམ་འབྲས་ཞག་བདུན་མ་དང། རྒྱུད་ཀྱི་རྒྱལ་པོ་དཔལ་བརྟག་པ་གཉིས་པ་སོགས་སྩལ། དེ་དུས་རྗེ་དབུས་སྨྱོན་པས། ཨ་ཡ་སྤྲང་པོའི་ཁང་པར་གནས་ཚང་གནང། དེར་ཆོས་ཀྱི་ཡོན་དུ་ཇ་ཉག་རེ་ལ་ཇ་སིགས་རེའི་གཟུགས་བཅོས་པའི་སིག་མ་བཅུ་གསུམ། ལྷ་ས་ཞོའི་གསེར་ཞོ་བཅུ་གསུམ་སོགས། བཅུ་གསུམ་མཚན་པ་བཅུ་གསུམ་གྱི་འབུལ་བ་མཛད་ཅེས། རི་དགས་ཀྼཥཎ་ས་རའི་པགས་པ་ཞིག་བཏིང་བའི་ཁར་རྗེ་གྲུབ་ཐོབ་དབུས་སྨྱོན་པ་རང་གི་དབུ་རལ་བཀྲམས། དེའི་སྟེང་དུ་པཎ་ཆེན་རིན་པོ་ཆེའི་ཞབས་གཉིས་བཞག་ནས། ཡུན་རིང་དུ་སྨོན་ལམ་འདེབས་པ་གནང་ཞིང། བརྟག་གཉིས་ཀྱི་བསྡུས་དོན། དབུ་མའི་ལྟ་ཁྲིད། རྣམ་ཐར་བསྟོད་པ་དགེ་ལེགས་ཀུན་འབྱུང་མ་ཡང་བསྐུལ་བར་མཛད། པཎ་ཆེན་རིན་པོ་ཆེས་དབུས་སྨྱོན་རྡོ་རྗེ་བདུད་འདུལ་ཞེས་མཚན་དུ་གསོལ་ཞིང། ཕྱིར་ལམ་སྨྱུག་ལའི་མི་གཅོད་གནང་བས་བར་ཆོད་ཀྱི་གཡུལ་ལས་ཡོངས་སུ་རྒྱལ་