[A:61]པའི་རབ་ཏུ་བྱེད་པ་དགུ་པའོ༎
Chapter 10: gsang phur dge tshogs rgya cher spel ba'i skabs
དེར་འབུལ་སྡུད་ཀྱི་དངོས་གནས་རྣམས་ཞུ་ཕྱིར་མར་ལམ་རྗེ་དོན་ཡོད་དཔལ་བ་དཔོན་སློབ་རྣམས། སྤན་ཁྱུང་ཚང་ན་བཞུགས་པའི་དྲུང་དུ་བྱོན་པས་དགེས་དགེས་དཔག་མེད་དང། ན་ནིང་སྐྱོར་མོ་ལུང་ཚོར་བསྡད་དུས་སློབ་དཔོན་འགའ་ཁང་པའི་གསུང་གིས། མཁན་ཆེན་ཆོས་སྐྱབས་པས་རྣམ་སྲས་ལུས་དང་གྲིབ་མ་བཞིན་དུ་འབྲང་གསུང། གནས་སྒོ་སློབ་དཔོན་པ་ལ་ཐུགས་མཐོང་ཆེ་ཟེར་དུས། འཆམས་སྐུ་གོག་པོ་དཀོན་གཉེར་གྱིས་དྲུང?དྲུད་པའི་ཉམས་ཅིག་ལས་མ་བྱུང། ད་འ་རྫི་རྫི་བ་འདུག་གོ༎
ངེད་ཀྱིས་ཀུན་མཁྱེན་སྒ་གདོང་པ་ལ་ཚེ་དབང་དང། བཀྲ་ཤིས་ཚེ་རིང་མའི་དབང་གསོལ་བ་བཏབ་ནས་ཞལ་གྱིས་བཞེས་ཡོད་པས་མིང་དེའི་དོན་ཁྱེད་ལ་ལྡན་དགོས་པ་ཨ་ཕོ་རྒན་པོ་དང་ལྷན་ཅིག་ཞུ་བ་ལགས་སོ་གསུང། ངེད་ལ་སྐྱེལ་ཐུང་གི་ཚུལ་དུ་རིན་ཆེན་གླིང་བར་ཕེབས། རྗེའི་དྲུང་དང་མཆོད་ཡོན་ཐུགས་སྣང་དག་པར་འདུག་ཅིང། དད་མོས་ལྷག་པར་ཆེ་བ་གནང་བས། ངེད་དཔོན་སློབ་གསར་རྙིང་ཡོས། ནང་པའི་ནང་དེར་གནས་ཚང་བྱས། དེའི་ཡ་ཚད་ཀྱི་ཇོ་མོ་དགོན་ཆུང་ཆུད་དེར། ཀུན་མཁྱེན་སྒ་དགོང་པ་བཞུགས་པ་གནང་བའི་སར་ངེད་དཔོན་སློབ་དང། རིན་ཆེན་གླིང་ནང་པ་རྣམ་པས་ཕྱིན། མ་ཕམ་གཡག་པ་ལས་ཆོས་རྗེ་གཞོན་ནུ་སེང་གེ་བས་གསན། དེ་ལ་ཀུན་མཁྱེན་སྒ་དགོང་པ་རང་གིས་གསན་པའི་ཚེ་དཔག་མེད་གྲུབ་པའི་རྒྱལ་མོའི་ཚེ་དབང་དང། བཀྲ་ཤིས་ཚེ་རིངས་མཆེད་ལྔའི་རྗེས་གནང་བྱུང་ཞིང། དེའི་སྐབས་ནམ་ཟླ་དཔྱིད་སོས་ཀྱང་གངས་ཐུལ་ཙམ་བབས་པས་ཀུན་མཁྱེན་སྒ་གདོང་པའི་གསུང་གིས། ཁྱེད་དཔོན་སློབ་ལ་ཚེ་རིངས་མ་འགོ་བར་སྣང་གསུང་ཞིང། དེ་དུས་ཀུན་མཁྱེན་སྒ་དགོང་པ་སྐུ་ཆས་ཇོ་གདན་ཆོས་ལུང་པའི་ལུགས་ཀྱི་ཕྲག་དབྱུང་མ། དེའི་ཕྱི་ལ་སྣམ་སྟོད?སྟོང་དུར་ཁ་དར་ལྗང་གིས་མཐའ་ཆག་བྱས་པ་ཞིག་དང་