[A:70]ཁྱོད་ཀྱི་ཐུགས༎
རབ་ཏུ་དགེས་པས་ཚིམ་སྟེ་དལ་བར་བཞུགས༎
ཆོས་སྦྱིན་བསམ་ཡས་ལྷར་བཅས་འགྲོ་བའི་ཡིད༎
ཡོངས་དྲངས་ཟང་ཟིང་མི་འཇིགས་བྱམས་པས་བསྐྱངས༎
ཕན་དང་བདེ་བའི་དཔལ་ལ་འགོད་པའི་གཉེན༎
ལུས་ཅན་ཡོངས་ཀྱི་མ་འདྲིས་མཛའ་བཤེས་མཆོག༎
ཅེས་པཎྜི་ཏ་ཆེན་པོ་ཤཱཀྱ་མཆོག་ལྡན་དྲི་མེད་ལེགས་པའི་བློ་གྲོས་ཀྱི་རྣམ་པར་ཐར་པ་ཞིབ་མོ་རྣམ་པར་འབྱེད་པ་ལས། གསང་ཕུར་དགེ་ཚོགས་རྒྱ་ཆེར་སྤེལ་བའི་སྐབས་ལས་བསྒྲགས་པའི་རབ་ཏུ་བྱེད་པ་བཅུ་པའོ༎ ་༎
Chapter 11: gdan sa chen por gzhung lugs rab 'byams kyi ngag rjes su sgrogs pa'i skabs
དེར་པཎ་ཆེན་རིན་པོ་ཆེ་དགུང་ལོ་ཉི་ཤུ་རྩ་བདུནརྩ་བདུན་དུ་ཕེབས་པ་ཤིང་ཕོ་ཁྱི་ལོའི་vc: 1454དབྱར་ཆོས་སྟེངས་སུ་ཐུགས་རྩོམ་ཆེ་བ་རྣམས་ཀྱི་ཐོག་མ་ཤེས་རབ་ཀྱི་ཕ་རོལ་ཏུ་ཕྱིན་པའི་དཀའ་འགྲེལ་བཞེད་ཚུལ་རྒྱ་མཚོའི་རླབས་ཀྱི་ཕྲེང་བའི་ཐུགས་རྩོམ་ཡང་གནང་ཞིང། དེ་གོང་དུ་ཡང་ལུས་དང་ཡན་ལག་རྒྱས་པར་བཤད་པ་ལུང་དོན་རྒྱ་མཚོ། སྦྱོར་ཊཱིཀ་གནད་ཀྱི་སྒྲོན་མེ་སོགས་རོང་ཊཱིཀ་ཉིད་ཀྱི་དགོངས་ལེན་ཇི་ལྟ་བའི་བསྟན་བཅོས་ཕྲན་བུ་བ་དག་གིས་ཀྱང་གདུལ་བྱའི་ཞེ་འདོད་ཀྱི་རེ་བ་ཡོངས་སུ་རྫོགས་པར་མཛད་ལ། གཞན་ཡང་མཚོན་བྱེད་དཔེའི་དགེ་འདུན་གྱི་ཟུར་འདེབས་ངག་གི་དབང་པོའི་མཛེས་རྒྱན། བསམ་གཟུགས་ཀྱི་ཟུར་འདེབས་ངག་གི་དབང་པོའི་དོ་ཤལ། རྟེན་འབྲེལ་གྱི་ཟུར་འདེབས་སྲིད་ཞིའི་གནས་ཚུལ་འཆར་བྱེད་རྣམས་ཀྱང་རྣམ་བཤད་ཚིག་དོན་རབ་གསལ་ཉིད་དང་རྗེས་འབྲེལ་ཡིན་ནོ༎
དགུང་ལོ་ཉེར་བདུན་གྱི་སྐབས་ཀྱི་སྟོན་ཆག་ལ་ཡང་གྲྭ་ཚང་ཆོས་སྡིངས་སུ་ཟླ་བ་ཉིས་སྦྲེལ་ཙམ་གྱི་ཕོགས་འབུལ་མི་བྱུང་ནས་ཕེབས། དེ་དུས་སྤྱང་ལུང་རིན་པོ་ཆེའི་དྲུང་ན་བྱང་སེམས་བདེ་མོ་ཐང་པ་དཔོན་སློབ་འགའ་ལ་ཐུགས་རྗེ་ཆེན་པོའི་དམར་ཁྲིད་གྲུབ་ཐོབ་ཚེམ་བུ་བ་ནས་བརྒྱུད་པ་དེ་གནང་བའི་དབུ་ཚུགས་ཙམ་ལ་སླེབ་ནས་ངེད་གྲྭ་ཚང་པ་ཀུན་གྱིས་ཞུས། དེ་གྲོལ་རྗེས་རི་བོ་དགེ་ལྡན་པའི་