[A:81]ཀུན་དགའ་མཆོག་གྲུབ་ཀྱིས་གསན་པའི་གསུང་སྒྲོས་སོ༎
དེར་ཞ་ལུའི་རྟེན་མཇལ་ལ་བསྙགས་ནས་ལྕགས་བརྒྱུད་ཡོངས། དེ་དུས་ཞ་ལུ་མཁན་པོར་གཙང་སྟོན་ཆོས་གྲུབ་དཔལ་བཟང་པར་གྲགས་པ་དེ་ཚོ་བཞུགས་ཀྱི་འདུག་ཀྱང། རང་རེ་བླ་མས་དྲེགས་པའི་མཇལ་མཇལ་ཀྱང་མ་བྱས་ཞ་ལུ་རི་ཕུག་ན་སྒྲ་པ་ཆེན་པོ་གནས་བརྟན་ལེགས་རྒྱལ་བ་ཚོ་བཞུགས་འདུག་པས་རང་རེ་ལ་གཞི་ལེན་གཟབ་རྒྱས་སྩལ། སྔར་ས་སྐྱར་བརྩམས་པའི་དཔལ་ལྡན་ས་སྐྱའི་གནས་དང་གང་ཟག་ལ་སྒྲ་ལས་དྲངས་པའི་བསྟོད་པ་ངག་གི་དབང་པོའི་དགའ་སྟོན་དེ་ཕྱག་ཏུ་བྱུང་འདུག་པས་ཐུགས་ལ་བྱང་བར་བཞུགས་འདུག། དེ་ལ་འདིའི་ནང་ན་གཽ་སྒྲ་དོན་དགུ་ལ་འདུགvc: or: 'jug?པའི་བ་ལང་ལ་གླང་ཆེན་དཀར་པོས་བཏེག་པའི་ཁྲི་སྟེང་དུ་ཟེར་བ་འདི་ལ་གླང་པོའི་སྐད་དོད་ཧསྟི་ཡིན་དུས། གཽ་བ་ལང་ལ་འགྲིག། དོན་དུ་ཡང་འཇམ་དབྱངས་ཀྱི་རིགས་རྣམས་སེང་ཁྲི་འབའ་ཞིག་རང་བཤད་པས། གླང་པོར་མི་ཡོང་བས་ངེད་ལ་ཐེ་ཚོམ་བག་ཙམ་བྱུང། གཞན་འདི་འདྲ་སུས་ཤེས་གསུང། དེར་དེ་མ་ཐག་སྔར་དཔྱད་པ་མ་ཞུགས་ནའང། རིག་གནས་ལ་སྦྱངས་པའི་མཐར་བྱོན་པའི་བཀའ་ལུང་ཇི་ལྟ་བར་འདུག་པས། བ་མཆོག་དཀར་མོས་བརྒྱན་པའི་མཚོ་དབུས་སུ༎ ཞེས་སྦྱར་ན་ཅི་མཆིས་ཞུས་པའི་མོད་ལ། ཁོང་ཤིན་ཏུ་སྐུ་བགྲེས་པའི་དབང་ལས་ཕྱག་འདར་བར་འདུག་པ་དེ་འདར་སི་ལི་ལི་ཐུགས་ཀར་སྦྱོར་བ་མཛད་ནས། འོ་ངོ་མཚར་ཆི་ངེད་ཀྱིས་ནི་ཁ་རྩང་ང་འདི་རྟོགས་མན་བསམ་མནོ་ཁོར་མོར་བཏང་ཀྱང་མ་དྲན་ལགས་སོ༎ ཁྱེད་ཀྱི་མཚན་ལ་པཎྜི་ཏ་བློ་གྲོས་མི་ཟད་པ་ཞུ་བ་ཡིན་ནོ༎ ངེད་རྒན་པོའང་ཚེའི་དུས་བྱས་ནས་ཁྱེད་ལྷ་བུའི་ལུས་ཤིག་ཐོབ་པའི་ཡིད་སྨོན་ཅི་ནས་བགྱིད། བ་ལང་གི་དངོས་མིང་གཽ་བ་ཡིན་ཞིང། བ་མཆོག་འདོད་འཇོའི་བར་བསྒྲགས་པ་