[A:134]བློ་ལྡན་ཤེས་རབ་ཀྱིས་བསྒྱུར་བ་དང༌། ཆོས་དང་ཆོས་ཉིད་རྣམ་པར་འབྱེད་པ་ཞ་མ་སེང་རྒྱལ་གྱིས་བསྒྱུར་བ་དེ་གཉིས་ཀྱི་བརྒྱུད་པ་ནི། བཅོམ་ལྡན་འདས་ཐུབ་པའི་དབང་པོ། བྱམས་པ་མགོན་པོ། མངའ་བདག་མཻ་ཏྲི་པ། པཎྜི་ཏ་དགའ་བའི་གྲགས་པ། སཛྫ་ན། རྔོག་ལོ་ཙཱ་བ་བློ་ལྡན་ཤེས་རབ། ཁྱུང་རིན་ཆེན་གྲགས། རྒྱ་དམར་བ་བྱང་ཆུབ་གྲགས། གྲོ་ལུང་བ་བློ་གྲོས་འབྱུང་གནས། ཕྱྭ་པ་ཆོས་ཀྱི་སེང་གེ འདུལ་དཀར་བ། གཙང་པ་འགྲེ་སྒུར། སྡོང་ཁྲོད་འདུལ་འཛིན། སློབ་དཔོན་དར་མ་འོད་ཟེར། ལྷོ་པ་གྲུ་པ་སེང་གེ སློབ་དཔོན་རིག་ཐིགས་པ། བུ་སྟོན་རིན་པོ་ཆེ། ཐུགས་སྲས་རིན་ཆེན་རྣམ་རྒྱལ། ཀུན་མཁྱེན་གཡག་པ། རོང་སྟོན་ཤེས་བྱ་ཀུན་རིག དོན་ཡོད་དཔལ། རྗེ་ཤཱཀྱ་མཆོག་ལྡན། རྗེ་གྲོལ་མཆོག ཀུན་དགའ་མཆོག་ལྡན། བྲང་ཏི་པཎ་ཆེན། རྗེ་དཔལ་ལྡན་དོན་གྲུབ། མགོན་པོ་བསོད་ནམས་མཆོག་ལྡན། རྗེ་རིན་ཆེན་རྒྱ་མཚོ། ཕྱོགས་ལས་རྣམ་རྒྱལ། རྨོར་ཆེན་ངག་དབང་ཀུན་དགའ་ལྷུན་གྲུབ། བཀའ་འགྱུར་བ་སངས་རྒྱས་རྒྱལ་མཚན། སྐྱོར་མདའ་བ་མཁས་བཙུན་བསོད་ནམས་དབང་ཕྱུག མཁས་གྲུབ་ཆེན་པོ་སངས་རྒྱས་རྒྱ་མཚོ། དེས་བདག་བནྡེ་ཚུལ་ཁྲིམས་རིན་ཆེན་ལའོ། །ཡང་ན་བྱམས་པའི་ཆོས་སྡེ་ལྔ་གའི་ལུང་གི་བརྒྱུད་པ་བསོད་ནམས་དབང་ཕྱུག་ཡན་འདྲ། དེ་ནས་མཁན་ཆེན་དཔལ་ལྡན་ཆོས་སྐྱོང༌། དེས་བདག་བནྡེ་ཚུལ་ཁྲིམས་རིན་ཆེན་ལ་སྩལ་ཏོ། །༈། །ཨཱ་ཙཱརྻ་ཤཱནྟ་དེ་ཝས་མཛད་པའི་བསླབ་པ་ཀུན་ལས་བཏུས་པ་ཡེ་ཤེས་སྡེའི་འགྱུར་ལ་རྔོག་ལོས་འགྱུར་བཅོས་མཛད་པའི་སྟེང་ནས་ལུང་ཐོབ་པའི་བརྒྱུད་པ་ནི། བཅོམ་ལྡན་