[A:182]ཚུལ་ཁྲིམས་རིན་ཆེན་ལའོ། །ཡང་ན་གཅོད་དབང་ནམ་མཁའ་སྒོ་འབྱེད་དང་བཅས་པ་ནི། ལྡན་མ་ཀུན་དགའ་རྡོ་རྗེ་དང་ཀུན་དགའ་རྣམ་རྒྱལ་གཉིས་ཀ་ལས། དྲུང་པ་བསྟན་འཛིན་ཕུན་ཚོགས། དེ་ལས་བདག་བནྡེ་ཚུལ་ཁྲིམས་རིན་ཆེན་གྱིས་ནོས་སོ། །ཡང་ན་ཁྲོས་མ་ནག་མོ་ལྷ་ལྔའི་དབང་གི་བརྒྱུད་པ་མཁྱེན་རབ་ཆོས་རྗེ་ཡོན་ཏན་དཔལ་འབྱུང་ཡན་སྔར་བཞིན་ལས། དེ་ནས་མཁས་གྲུབ་བསོད་ནམས་ཤེས་རབ། བྱ་རྒོད་ཀུན་དགའ་རྒྱལ་མཚན། འཇམ་དབྱངས་ཀུན་བཟང༌། བྱ་རྒོད་སྤྲུལ་སྐུ། ཀརྨ་བསྟན་འཕེལ། པཎ་ཆེན་སྙིང་རྗེ་བཟང་པོ། པཎ་ཆེན་ཆོས་རྣམ་རྒྱལ། མཁས་གྲུབ་བསོད་ནམས་བློ་གྲོས། རིན་པོ་ཆེ་དཔལ་འབྱོར་རྣམ་རྒྱལ། མཁས་མཆོག་བསོད་ནམས་དཔལ་འབྱོར། མཁན་ཆེན་ཕུན་ཚོགས་རྒྱལ་མཚན། མཁས་བཙུན་ཆེན་པོ་བསོད་ནམས་དབང་ཕྱུག ཆོས་རྗེ་ཀུན་དགའ་རྒྱལ་མཚན། དེས་བདག་ཚུལ་ཁྲིམས་རིན་ཆེན་ལ་སྩལ་ཏོ། །ཡིག་ཆ་ནི་སྡེ་སྣོད་འཛིན་པ་ཆོས་རྣམ་རྒྱལ་གྱིས་མཛད་པའི་སྟེང་ནས་སོ། །ཧེ་རུ་ཀ་དཔལ་དྲུང་རིན་པོ་ཆེ་ཀུན་དགའ་རིན་ཆེན་པའི་ལུགས་ཀྱི་གཅོད་སྐོར་གྱི་པུསྟིའི་ལུང་ཐོས་པའི་རྣམ་གྲངས་ལ། གཅོད་ཡུལ་རྒྱལ་བའི་དགོངས་གསལ་ཞེས་བྱ་བ་བླ་མ་དམ་པའི་ཞབས་རྡུལ་སྤྱི་བོས་ལེན་པ་ཤཱཀྱའི་དགེ་སློང་ཀུན་དགའ་རིན་ཆེན་གྱིས་དཀར་ཕྱོགས་སྐྱོང་བ་སྒྱོགས་ཆེན་གདོང་རའི་ཤར་ཕྱོགས་ཀྱི་ཆར་སྦྱར་བའོའི་མཐའ་ཅན། གཅོད་ཡུལ་ཐེག་ཆེན་ལམ་གྱི་སྙིང་པོ་ཆེ་བ་ཞེས་བྱ་བ། ཤཱཀྱའི་དགེ་སློང་ཀུན་དགའ་རིན་ཆེན་གྱིས་འབད་ཅེས་པའི་མཐའ་ཅན། ཐེག་ཆེན་ལམ་གྱི་སྙིང་པོ་ཆུང་བ་ཞེས་པ། ཀུན་དགའི་མིང་ལྡན་གྱིས་ཟིན་བྲིས་སུ་བྱས་པའོའི་