[A:237]ཡས། ཐུགས་རྗེ་ཆེན་པོ། པདྨ་འབྱུང་གནས། ཉང་སྟོན་སྒྲུབ་པ་པོ། འགྲོ་མགོན་ཤཱཀྱ་བཟང་པོ། ངག་གི་དབང་པོ། བཀྲ་ཤིས་རྣམ་རྒྱལ། དཀོན་མཆོག་དཔལ་འབྱོར། རིག་འཛིན་པདྨའི་མཚན་ཅན། བློ་བཟང་དོན་གྲུབ། དེ་ནས་བླ་མ་གཉིས་ཙམ་བཙལ། ཡང་ན་གནས་གསར་བ་ཀུན་དགའ་ལེགས་པའི་འབྱུང་གནས། ཆོས་རྗེ་བསྟན་འཛིན་ཕུན་ཚོགས། ཆོས་རྗེ་བསྟན་འཛིན་རྡོ་རྗེ། དེས་བདག་ལའོ། །ཡང་ན་ཀུན་དགའ་ལེགས་པའི་འབྱུང་གནས་ནས། རྡོ་རྗེ་འཛིན་དབང་ཀུན་དགའ་རྒྱ་མཚོ། དེ་ལས་བདག་གིས་ཐོས་སོ། །༈། །གསུམ་པ་པདྨའི་རིགས་ཀྱི་ཡུམ་ནི་སྒྲོལ་མ་ལ་སོགས་པ་སྟེ། འདི་བླ་མེད་དུ་གཏོགས་པར་བཞེད་ཀྱང་འདིར་མཚན་བརྒྱ་རྩ་བརྒྱད་པའི་ལུང་བླང་དགོས་པ་དང་སྡེ་ཚན་གཅིག་ཏུ་གཞག་པའི་ཕྱིར་རྟ་མཆོག་གི་རིགས་སྒྲོལ་མ་མངོན་པར་འབྱུང་བའི་རྒྱུད་ནས་གསུངས་ཤིང་གཉན་ལོ་ཙཱ་བས་སྤྱན་དྲངས་པའི་དཔལ་མགོན་འཕགས་པ་ཀླུ་སྒྲུབ་ཀྱི་ཐུགས་དམ་གཉན་གྱི་སྒྲོལ་མ་ཡན་ལག་དྲུག་པའི་རྗེས་སུ་གནང་བ་ཐུན་མོང་མ་ཡིན་པ་མཚན་བརྒྱའི་ལུང་དང་བཅས་པ། དེའི་ཡིག་ཆ་ངོར་ཆེན་དཀོན་མཆོག་ལྷུན་གྲུབ་ཀྱིས་མཛད་པའི་ལུང་དང་བཅས་ཐོབ་པའི་བརྒྱུད་པ་ནི། རྗེ་བཙུན་མ་སྒྲོལ་མ། འཕགས་པ་ཀླུ་སྒྲུབ། བ་ལིནྟ་པ། སངས་རྒྱས་ཡེ་ཤེས་ཞབས། མར་མེ་མཛད། དཔལ་བདེ་བ། དྲི་མེད་སྦས་པ། རཏྣ་བཛྲ། རཏྣ་ཀཱིརྟི། བར་འདིར་བནྡེ་བ་ཆེན་པོ་འབྱུང་བའང་ཡོད། རི་སུལ་གྱི་རྣལ་འབྱོར་མ། གཉན་ལོ་ཙཱ་བ་དར་མ་གྲགས། གནམ་ཁའུ་པ་ཆོས་ཀྱི་རྒྱལ་མཚན། རྗེ་ས་སྐྱ་པ་ཆེན་པོ། རྗེ་བཙུན་