[A:411]གྲུབ། ཐམས་ཅད་མཁྱེན་པ་ངག་དབང་ཀུན་དགའ་བསོད་ནམས། འཇམ་དབྱངས་བསོད་ནམས་དབང་ཕྱུགས་སྐྱ་པ་ངག་དབང་ཀུན་དགའ་བཀྲ་ཤིས། ངག་དབང་ཀུན་དགའ་བསོད་ནམས་རིན་ཆེན། དེ་ལས་ཁྱབ་བདག་རྡོ་རྗེ་འཆང་བཀྲ་ཤིས་ལྷུན་གྲུབ་དང༌། ཐམས་ཅད་མཁྱེན་པ་དཔལ་ལྡན་ཆོས་སྐྱོང་གཉིས་ཀྱིས་གསན། དེ་གཉིས་ཀ་ལས་བདག་གིས་ལན་མང་དུ་ལེགས་པར་ཐོབ་བོ། །དེ་དག་གི་ཡིག་ཆ་ཕལ་ཆེ་བ་ནི་བདག་ཆེན་ངག་དབང་ཀུན་དགའ་བཀྲ་ཤིས་ཀྱིས་མཛད་པའི་འཆི་མེད་རྡོ་རྗེའི་རྒྱ་མདུད་ཀྱི་སྟེང་ནས་མཛད་ཅིང་མཁན་ཆེན་བཀྲ་ཤིས་ལྷུན་གྲུབ་པས་སྐབས་འགར་སྤྱན་སྔ་བའི་ཡི་གེ་ལྟར་ཡང་མཛད་དོ། །ཡང་ན་གྲུབ་དབང་ཤུག་ར་ཀུན་དགའ་དཔལ་འབྱོར་པ་ལས་སྤྱན་སྔ་ཀུན་དགའ་དོན་གྲུབ་ཀྱི་ཡི་གེའི་སྟེང་ནས་ལན་དུ་མའི་བར་དུ་བདག་གིས་ཐོབ་ཀྱང༌། གྲུབ་ཆེན་དེ་ཉིད་ཀྱི་གསན་ཡུལ་བླ་མ་ཤུག་ར་གོང་མ་ཡིན་ནམ། མཁན་ཆེན་སངས་རྒྱས་ཕུན་ཚོགས་ལ་སོགས་པ་གང་ཡིན་མ་ངེས། ཡང་ན་རྗེ་བཙུན་ཀུན་དགའ་གྲོལ་མཆོག སྡོམ་བརྩོན་ངག་དབང་ཉི་མ། ལྕགས་ཟམ་པ་ཀུན་དགའ་བསོད་ནམས་དབང་ཕྱུག བཅོ་བརྒྱད་བྱམས་པ་ངག་དབང་ལྷུན་གྲུབ། མཁས་གྲུབ་སངས་རྒྱས་ཕུན་ཚོགས་མན་སྔར་དང་འདྲའོ། །༈། །མཁན་ཆེན་ངག་དབང་ཆོས་གྲགས་ཀྱིས་མཛད་པའི་ཡི་གེ་དང༌། མཁན་ཆེན་སངས་རྒྱས་ཕུན་ཚོགས་པས་མཛད་པའི་ལྷན་ཐབས་དང་བཅས་པའི་སྟེང་ནས་ཚེ་དབང་ལྕགས་སྡོང་མ་རིག་འཛིན་རྒོད་ཀྱི་ལྡེམ་ཕྲུ་ཅན་གྱི་གཏེར་མའི་བརྒྱུད་པ་ནི། མགོན་པོ་ཚེ་དཔག་མེད། སློབ་དཔོན་པདྨ་འབྱུང་གནས། སྔགས་