[A:429]ལའོ། །གྱིང་ལྔ་གཟའ་གདོང་གི་སྲོག་གཏད་བརྒྱུད་ལུགས་གཅིག་ནི། འཁྲུལ་ཞིག་དཀོན་མཆོག་བཟང་པོ་ཡན་གོང་ལྟར་ལ། དེ་ནས་ནུབ་དགོན་པ་ཉི་ཟླ་བཟང་པོ། སྔགས་འཆང་ཀུན་བཟང་ཉི་མ། ཟུར་ཆེན་ངག་དབང་ཕུན་ཚོགས། ཁྱབ་བདག་ཆོས་དབྱིངས་རང་གྲོལ། ཐམས་ཅད་མཁྱེན་པ་ངག་དབང་བློ་བཟང་རྒྱ་མཚོ། མཆོག་གི་སྤྲུལ་སྐུ་པདྨ་ཕྲིན་ལས། རྨོར་ཆེན་ཐམས་ཅད་མཁྱེན་པ་ངག་དབང་ཀུན་དགའ་ལྷུན་གྲུབ། ངག་དབང་ཀུན་དགའ་ལེགས་པའི་འབྱུང་གནས་བསྟན་པའི་རྒྱལ་མཚན་དཔལ་བཟང་པོ། མཁས་བཙུན་རྡོ་རྗེ་འཛིན་དབང་ཀུན་དགའ་རྒྱ་མཚོ། དེས་བདག་ལའོ། །༈། །དཔལ་ས་སྐྱ་པ་སྔགས་འཆང་ངག་དབང་ཀུན་དགའ་རིན་ཆེན་གྱིས་མཛད་པའི་རྗེས་གནང་བྱ་ཚུལ་གྱི་ཡི་གེའི་སྟེང་ནས་གྲྭ་པ་མངོན་ཤེས་ནས་བརྒྱུད་པའི་ཛམྦྷ་ལ་དམར་པོ་ཞལ་གསུམ་ཕྱག་དྲུག་པའི་རྗེས་སུ་གནང་བ་ཐོབ་ནས། རྒྱབ་བརྟེན་ལུང་ལ་བཤེས་གཉེན་གྲྭ་པས་བསམ་ཡས་ནས་སྤྱན་དྲངས་པའི་འཕགས་པ་ཛམྦྷ་ལ་དམར་པོ་གསུང་གི་སྒྲུབ་སྐོར་ལ། ཐོད་པ་ལ་བརྟེན་ནས་ཁམས་གསུམ་སྙིང་ཁྲག་སྡུད་པའི་དབང༌། གཏོར་མ་རིན་ཆེན་འབར་བས་འདོད་དགུ་ཆར་འབེབས་ཀྱི་དབང༌། ཆུ་སྦྱིན་དང་ལྷ་སྒོམ་སྔགས་བཟླས་ཀྱི་དབང་མནོས་ནས། ལུང་ལ། འཕགས་པ་ཛམྦྷ་ལ་དམར་པོ་གསུང་གི་སྒྲུབ་ཐབས། ཆུ་སྦྱིན་གཏོར་མ་ལ་བརྟེན་ནས་བསྒྲུབ་པ། གའུ་ལ་བརྟེན་ནས་བསྒྲུབ་པ། ཐོད་པ་ལ་བརྟེན་ནས་བསྒྲུབ་པ། ཛམྦྷ་ལའི་སྒྲུབ་ཐབས་ཐུན་མོང་མ་ཡིན་པ་དབང་དུ་བྱ་བའི་ཕྲིན་ལས། སྦྱིན་སྲེག་ལ་བརྟེན་ནས་བསྒྲུབ་པ། ཚོགས་མཆོད། བསྟོད་པ་བདེ་