[A:50]བཅོས་མེ་ལོང་ལྟ་བུ་དང༌། དེ་དག་སྐད་རིགས་དང་སྦྱར་ནས་སྟོན་པ་ཟློས་གར་གྱི་བསྟན་བཅོས་གླུ་ཀུན་ཏུ་དགའ་བ་དང༌། འཇིག་རྟེན་ཀུན་ཏུ་དགའ་བ་ལ་སོགས་པ་ལྟ་བུའོ། །གཉིས་པ་ནི། བརྗོད་བྱ་གཏན་ལ་འབེབས་པར་བྱེད་པ་གཏན་ཚིགས་རིག་པའི་བསྟན་བཅོས་ཚད་མའི་མདོ་དང༌། དེའི་དགོངས་འགྲེལ་སྡེ་བདུན་ལྟ་བུ་སྟེ། དེའང་རྣམ་འགྲེལ། རྣམ་ངེས། རིགས་ཐིག་སྟེ་ལུས་ལྟ་བུའི་བསྟན་བཅོས་གསུམ། གཏན་ཚིགས་ཐིག་པ། འབྲེལ་པ་བརྟག་པ། རྒྱུད་གཞན་གྲུབ་པ། རྩོད་པའི་རིག་པ་སྟེ་ཡན་ལག་བཞི་རྣམས་སོ། །གཞན་རྗེས་སུ་འཛིན་པ་བཟོ་དང་གསོ་བའི་བསྟན་བཅོས་གཉིས་ལས། དང་པོ་ནི། གསེར་འགྱུར་དང་སྤོས་སྦྱོར་སྟོན་པ་ལྟ་བུ་ཕལ་པ་དང༌། སྐུ་གསུང་ཐུགས་རྟེན་གྱི་ཆ་ཚད་སྟོན་པ་ལྟ་བུ་ཁྱད་པར་བའོ། །གཉིས་པ་ནི། སྨན་གྱི་གཞུང་ཡན་ལག་བརྒྱད་པ་ལྟ་བུ་སྟེ། དེའང་ཇི་སྐད་དུ། ལུས་དང་བྱིས་པ་གདོན་ལུས་སྟོད། །མཚོན་དང་མཆེ་བ་རྒས་རོ་ཙ། །གསོ་དཔྱད་གང་ལ་གནས་པ་ནི། །ཡན་ལག་བརྒྱད་དུ་དེ་བཤད་དོ། །ཞེས་བརྗོད་བྱ་དོན་ཚན་བརྒྱད་དུ་བཏུས་ནས་སྟོན་པའོ། །གཉིས་པ་བཀའ་སོ་སོའི་དགོངས་འགྲེལ་ལ། ཀུན་ཤེས་པར་བྱེད་པ་ནང་དོན་རིག་པ་སྟེ། དེ་ལ་བཀའ་དང་པོའི་དགོངས་འགྲེལ་དང༌། བར་པའི་དགོངས་འགྲེལ་དང༌། ཐ་མའི་དགོངས་འགྲེལ་གསུམ། དང་པོའི་ལྟ་བའི་ཆ་གཙོ་བོར་སྟོན་པའི་བསྟན་བཅོས་ལ། མངོན་པ་སྡེ་བདུན་གྱི་དོན་བསྡུས་པ་བྱེ་བྲག་ཏུ་བཤད་མཛོད་ཆེན་པོ་དང༌། དེའི་དོན་བསྡུས་པ་མངོན་པ་མཛོད་ལྟ་བུ་དང༌། སྤྱོད་པའི་ཆ་སྟོན་པ་ལུང་སྡེ་བཞི་ཆར་གྱི་དགོངས་པ་འགྲེལ་པའི་བསྟན་བཅོས་འདུལ་བ་མདོ་རྩ་ལ་