[A:528]མཁན་ཆེན་བསོད་ནམས་ལྷུན་གྲུབ། ངོར་ཆེན་ལྷ་མཆོག་སེང་གེ རྭ་ཆེན་བསོད་ནམས་རྒྱལ་མཚན། མཁྱེན་བརྩེའི་ཞབས་མན་འདྲ། ཡང་དབང་བརྒྱུད་ལུགས་གཅིག་ལ། ཁམས་སྟོན་ཡོན་ཏན་འབུམ་ནས། མཆོད་རྟེན་དཀར་པོ་བ་སངས་རྒྱས་སྐྱབས། ལྷ་རིན་པོ་ཆེ་བསོད་ནམས་རིན་ཆེན། ཇོ་གདན་ཁྲོམ་ཡོན་ནམ་མཁའ་ལྷུན་བཟང༌། རྗེ་རིན་ཆེན་རྣམ་རྒྱལ། ཆོས་རྗེ་ནོར་བུ་ཕུན་ཚོགས། ཆོས་རྗེ་དཔལ་ལྡན་བཀྲ་ཤིས། ཆོས་ལུང་ཤར་གླིང་པ་འཁྲུལ་ཞིག་ཀུན་བཟང་མཐུ་སྟོབས་དཔལ་འབར། འཇམ་མགོན་མཁྱེན་བརྩེ་མན་འདྲ། ཡང་རྭ་ཁྲིད་མཁའ་འགྲོ་སྙན་བརྒྱུད་ཀྱི་ཉམས་ཁྲིད་དང་རྒྱ་རྟགས་ཅན་གྱི་ལུང་བརྒྱུད་ནི། རྭ་འབུམ་སེང་ཡན་དབང་བརྒྱུད་ལྟར་ལས། དེ་ནས་རྭ་དྷརྨ་སེང་གེ རྭ་དཀོན་མཆོག་སེང་གེ རྭ་ཤེས་རབ་རྒྱལ་མཚན། རྒྱ་སྟོན་དབང་ཕྱུག་རྒྱལ་མཚན། རྒྱ་སྟོན་ཀུན་དགའ་བརྩོན་འགྲུས། མཁན་ཆེན་དང་མ་བ་བརྩོན་འགྲུས་བྱང་ཆུབ། ཉན་པོ་བ་སློབ་དཔོན་ཀུན་དགའ་རྒྱ་མཚོ། དབུར་སྟོད་པ་ཡོན་ཏན་ཆོས་རིན། ཡེར་པ་བ་བརྩོན་འགྲུས་རྒྱ་མཚོ། མལ་གྲོ་བ་གྲུབ་ཆེན་ཆོས་སྐྱོང་རྒྱལ་མཚན། མདོ་ཁམས་པ་བླ་ཆེན་ཡོན་ཏན་རྒྱ་མཚོ། རྡོ་རྗེ་འཆང་ཚར་ཆེན་བློ་གསལ་རྒྱ་མཚོ། ཀུན་མཁྱེན་མཁྱེན་བརྩེའི་དབང་ཕྱུག མཁན་ཆེན་བསླབ་གསུམ་རྒྱལ་མཚན། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་གནས་གསར་བ་མགོན་པོ་བསོད་ནམས་མཆོག་ལྡན། མཁན་ཆེན་ངག་དབང་རྣམ་རྒྱལ། མཁན་ཆེན་བཟང་པོ་རྒྱལ་མཚན། དུས་དགྲའི་དབང་པོ་ངག་དབང་ཀུན་དགའ་ལྷུན་གྲུབ། དེ་ཉིད་ཀྱིས་བདག་ཚུལ་ཁྲིམས་རིན་ཆེན་ལ་ཉམས་ཁྲིད་སྨིན་རྒྱས་སུ་