[A:616]སེང༌། མཆིམས་བློ་བརྟན། འཇམ་གསར། ཆོས་འོད། འཕགས་འོད། བུ་སྟོན། དོན་གྲུབ། རྒྱལ་མགོན། བཀྲ་ཤིས་རིན་ཆེན། བླ་མ་རྡོ་རྗེ་འཆང་མན་འདྲ། དེ་དག་ནི་བརྒྱུད་པ་དམིགས་བསལ་དགོས་པ་ཅུང་ཟད་བྲིས་པ་ཡིན་ལ། ཆོས་སྤྱོད་པུསྟི་དངོས་ཀྱི་རྐང་གྲངས་ནི། དཀོན་མཆོག་རྗེས་དྲན། བྱང་ཆུབ་ལྟུང་བཤགས། བཅོམ་ལྡན་འདས་ཤཱཀྱའི་རྒྱལ་པོ་ལ་མཛད་པ་བཅུ་གཉིས་ཀྱི་སྒོ་ནས་བསྟོད་པ་ཀླུ་སྒྲུབ་ཀྱིས་མཛད་པར་གྲགས་པ། ཐུབ་བསྟོད་སེམས་བརྩེ་མ་མགོན་པོ་བྱམས་པས་མཛད་པ་མདོ་སྡེ་རྒྱན་ལས་ཕྱུང་བ། ཐུབ་དབང་རྒྱན་དྲུག་མཆོག་གཉིས་སོགས་ལ་བསྟོད་པ་ཞི་གདོང་མ་འཕགས་པས་མཛད་པ་འདོགས་འབྲེལ་དང་བཅས་པ། མཁན་པོ་བོ་དྡྷི་ས་ཏྭ། ཆོས་རྒྱལ་མེས་དབོན། ལོ་པཎ་རྣམས་ལ་ཐུན་མོང་དུ་བསྟོད་པ་རྣམས་ཆོས་རྗེ་བླ་མ་དམ་པས་མཛད་པའི་རྒྱལ་རབས་གསལ་བའི་མེ་ལོང་གི་མཆོད་བརྗོད་དུ་མཛད་པ་རྣམས་དང༌། ཇོ་བོ་ཡབ་སྲས་ཀྱི་བསྟོད་པ་ཤླཽ་ཀ་རེ་རེ། ཇོ་བསྟོད་ཕུན་ཚོགས་བྷངྒ་མ་ནས་འབྱུང་བ་རྣམས་སོ། །དེ་ནས་སྙན་བརྒྱུད་ཚད་མ་བཞིའི་དང་པོ་བླ་མ་ཚད་མའི་སྐོར་ལ། རྡོ་རྗེ་འཆང་ཀུན་དགའ་བཟང་པོས་མཛད་པའི་གསུང་ངག་བླ་མ་བརྒྱུད་པའི་གསོལ་འདེབས་འགོར་རྣམ་དག་དཀྱིལ་འཁོར་བཞི་ཞེས་ཡོད་པ། ས་སྐྱ་པ་ཆེན་པོ་ལ་རྣལ་འབྱོར་དབང་ཕྱུག་བིརྺ་པ་གཙོ་འཁོར་ལྔས་མངོན་སུམ་དུ་ཞལ་བསྟན་པའི་དུས་སུ་མཛད་པའི་བསྟོད་པ་འགོར་ཨ་ལ་ལ་སྟེ་ཞེས་ཡོད་པ། ས་པཎ་གྱིས་མཛད་པའི་བིརྺ་པའི་བསྟོད་པ་དད་པའི་ཆུ་ལས་མ། ས་ཆེན་གྱི་བསྟོད་པ་ཚངས་དབང་མ། སློབ་དཔོན་རྩེ་མོས་མཛད་པ། རྗེ་བསོད་ནམས་རྩེ་མོའི་རྣམ་ཐར་