[A:66]ཡིན་པའི་ཡི་གེ བསྟན་བཅོས་བསྐོར་བའི་ཡི་གེ རྩིས་བསྐོར་བའི་ཡི་གེ འདེགས་པ་བསྐོར་བའི་ཡི་གེ རྐང་པས་བྲིས་པའི་ཡི་གེ ཚིག་ཕྱི་མ་གཉིས་གྲུབ་པའི་ཡི་གེ ཇི་སྲིད་ཚིག་ཕྱི་མ་བཅུ་གྲུབ་པའི་ཡི་གེ བར་མ་སྒྲུབ་པའི་ཡི་གེ སྒྲ་ཐམས་ཅད་ཀུན་དུ་སྡུད་པའི་ཡི་གེ རིག་པ་དང་རྗེས་སུ་མཐུན་པའི་ཡི་གེ རྣམ་པར་བསྲེས་པའི་ཡི་གེ དྲང་སྲོང་དཀའ་ཐུབ་ཀྱིས་གདུངས་པའི་ཡི་གེ གསལ་བའི་ཡི་གེ ས་རབ་ཏུ་ལྟ་བའི་ཡི་གེ སྨན་ཐམས་ཅད་ཀྱི་རྒྱུ་མཐུན་པའི་ཡི་གེ སྙིང་པོ་ཐམས་ཅད་ཀུན་བསྡུས་པའི་ཡི་གེ་སྟེ་ཡི་གེ་དྲུག་ཅུ་རྩ་བཞིར་གསུངས་པ་དེ་དག་ཚང་བ་བོད་དུ་མ་བྱུང་ཡང་ད་ལྟར་དར་སྲོལ་ཡོད་པ་ཚངས་པའི་ཡི་གེ་ལཱཉྩ་ན་དང༌། དེ་དང་ཆ་མཐུན་པ་དྷ་རི་ཀའི་ཡི་གེ དེའི་མགོ་གྱེན་དུ་བཟེད་པ་ན་ག་རའི་ཡི་གེ་མི་འདྲ་བ་རྣམས་དང༌། དེའི་མགོ་ཐུར་དུ་བཀུག་པ་ཀླུའི་ཡི་གེ་ཝརྟུ་ལ་དང༌། འདྲ་མིན་ཤེས་ཆེ་བ་ཀསྨི་རའི་ཡིག་རིགས་མི་འདྲ་བ་གསུམ་ཙམ་དང༌། གཞན་ཡང་གཽ་ཌའི་ཡི་གེ་དང༌། གྷ་ཧུ་རའི་ཡི་གེ་དང༌། སིནྡྷཱུའི་ཡི་གེ་དང༌། གོ་ལའི་ཡི་གེ་དང༌། མ་ག་དྷའི་ཡི་གེ་དང༌། ཀ་མ་ཏ་དང༌། པུཀྐཾ་དང༌། རྒྱ་མཚོ་མཐའི་ཡི་གེ་དང༌། སིནྡྷ་ཀ་ར་སྲིན་པོའི་ཡི་གེ་རྣམས་འདྲི་ཀློག་གི་སྲོལ་མཆིས་པ་སྟེ། དེ་རྣམས་ལ་དབྱངས་ཡིག་བཅུ་དྲུག གསལ་བྱེད་ལ་ཀ་ལ་སོགས་པའི་སྡེ་པ་ལྔ། མཐར་གནས་བཞི་དང་དྲོ་བ་བཞི་དང་ཀྵ་ཡིག་སྟེ་སུམ་ཅུ་རྩ་བཞིའོ། །གཞན་ཡང་རྒྱ་དང་ཧོར་གྱི་ཡི་གེ་དང༌། བོད་ཀྱི་ཡི་གེ་ལ་སློབ་དཔོན་ཐུ་མི་སམྦྷོ་ཊས་མཛད་པའི་གཞུང་སུམ་ཅུ་པ་ལས། ཨཱ་ལི་གསལ་བྱེད་ཨི་སོགས་བཞི། །ཀཱ་ལི་སུམ་ཅུ་ཐམ་པའོ། །ཞེས་དང༌། ས་པཎ་གྱིས་ཡི་