[A:95]ཕུན་ཚོགས། མངའ་རིས་མཁས་བཙུན་ཀུན་དགའ་ལྷུན་གྲུབ། དེས་བདག་བནྡེ་ཚུལ་ཁྲིམས་རིན་ཆེན་ལའོ། །ཕུག་ལུགས་ཀྱི་གཟའ་ལྔ་ཉིན་ཞག་མ་མྱུར་རྩིས་རེ་མིག་རྒྱ་མཚོ་སོགས་ཀྱི་ལག་ལེན་ཆེ་ཕྲ་རྣམས་ཀྱི་བརྒྱུད་པ་ནི། ཆོས་རྗེ་ཕྲིན་ལས་པ་ནས། མཁས་གྲུབ་དཔལ་གྱི་སེང་གེ མཁས་དབང་བཀྲ་ཤིས་མཚན་ཅན། ལྡུམ་བུ་དོན་གྲུབ་དབང་རྒྱལ། རྣམ་གླིང་པཎ་ཆེན་ནམ། ལོ་ཆེན་ཆོས་དཔལ་བཟང་པོ་གང་རུང་ནས། རྡོར་གྲགས་པདྨའི་མཚན་ཅན། བླ་མཁྱེན་བསོད་ནམས་རྒྱལ། དེ་ལས་བདག་གིས་སོ། །༈། །བསྡུས་པའི་རྒྱུད་ཀྱི་རྗེས་སུ་འབྲངས་པ་བྱེད་པའི་རྩིས་ཀྱི་ལྔ་བསྡུས། སྒྲ་གཅན། ལོ་བདག་རྒྱལ་བློན། ཀར་མྱོང་རྩིས། ཉི་ཟླར་སྒྲ་གཅན་འཇུག་པའི་རྩིས་ལ་སོགས་པ་དེ་ལ་ཉེ་བར་མཁོ་བའི་རིགས་རྣམས་ལེགས་པར་ནོས་པའི་བརྒྱུད་པ་ནི། ཡན་ཆད་ཀྱི་བརྒྱུད་པ་བཙལ། དཔལ་ས་སྐྱའི་མཁས་པ་དགེ་སློང་ལགས། དེ་ལས་རྩིས་ཀྱི་གཙུག་ལག་སྨྲ་བའི་དབང་ཕྱུག་ཀུན་དགའ་རྒྱ་མཚོ། མཁས་བཙུན་དགེ་བའི་བཤེས་གཉེན་སངས་རྒྱས་ཆོས་འཕེལ། དེ་ལས་བདག་གིས་ལེགས་པར་ནོས་སོ། །ཡང་ན་སངས་རྒྱས་ཆོས་འཕེལ་ནས། རྩིས་རིག་འཛིན་པ་ཀུན་དགའ་རྒྱ་མཚོ། དེ་ལས་བདག་བནྡེ་ཚུལ་ཁྲིམས་རིན་ཆེན་གྱིས་སོ། །༈། །འདི་དེ་སྔོན་ལག་ལེན་མ་ཐོབ་ཀྱང་ཐོབ་འགྱུར་དབང་གིས་བྲིས། དཔལ་གཙུག་ན་ཟླ་བས་གསུངས་པའི་དབྱངས་འཆར་གྱི་རྒྱུད་ལེའུ་བཅུ་པའི་དགོངས་འགྲེལ་མཆོག་ཏུ་དགའ་བའི་སྒྲ་དབྱངས་དང༌། ངོ་མཚར་རྒྱན་གྱི་མེ་ཏོག་གི་སྟེང་ནས་དབྱངས་འཆར་གྱི་ཕྱག་ལེན་ཡོངས་སུ་རྫོགས་པ་ནོས་པའི་བརྒྱུད་པ་