[A:97]འཕགས་མ་སྒྲོལ་མའི་སྤྲུལ་པ་འུན་ཤིང་ཀོང་ཇོས་པུར་རྒྱལ་བོད་དུ་བྱོན་དུས་རྟེན་འབྲེལ་རྩིས་ཀྱི་གཙུག་ལག་རྣམས་སྤྱན་དྲངས་པ་ནས་བརྩམས་ཏེ་བོད་ཡུལ་དུ་རྩིས་དཀར་ནག་ཅེས་ཡོངས་སུ་དར་སྲོལ་བྱུང་བའི་སྐོར་ལ་རྩ་བའི་རྡེའུ་དྲུག གཅོད་འདྲལ་གྱི་རྡེའུ་ཉི་ཤུ་རྩ་གཅིག ཞེ་བདུན་མ། བཅུ་བཞི་མ། བརྒྱད་མ། ཐང་ཤིང་རྩིས། ཚེ་རྩིས། བག་རྩིས། གཤིན་རྩིས་སོགས་ཞིབ་ཏུ་ནོས་པའི་བརྒྱུད་པ་ནི། འཕགས་པ་འཇམ་དཔལ། ཀོང་ཙེ་འཕྲུལ་གྱི་རྒྱལ་པོ། ལོ་ཙཱ་བ་ཁམས་པ་ཕྲ་མོ་སོགས་ནས་རིམ་པར། ཁྱུང་ནག་ཤཱཀ་དར། ཕུག་པ་མཁས་མཆོག་ཨཱརྻ་དེ་ཝ། མཚུངས་མེད་སངས་རྒྱས་བློ་གྲོས། རྩིས་རིག་སྨྲ་བའི་གཙུག་རྒྱན་དཔལ་མགོན་ཕྲིན་ལས་པ། དེ་ནས་སེ་ར་ཐེག་ཆེན་གླིང་གི་རབ་འབྱམས་པ་བཀྲ་ཤིས་རྒྱལ་མཚན། དེ་ལས་བདག་བནྡེ་ཚུལ་ཁྲིམས་རིན་ཆེན་གྱིས་ནོས་སོ། །ཡང་ན་དཔལ་མགོན་ཕྲིན་ལས་ནས། མཁས་མཆོག་དཔལ་གྱི་སེང་གེ བླ་མཁྱེན་གཡུ་ལོ་བ། གཉགས་བན་ནང་རྭ་བ་ངག་དབང་འཇམ་དཔལ་བློ་གྲོས། ཟུར་ཆེན་པ་མན་གོང་དང་འདྲའོ། །༈། །གཉིས་པ་ཚར་གཅོད་རིག་པ་ཚད་མ་ནི། འཇམ་དབྱངས་ས་སྐྱ་པཎྜི་ཏས། དེ་ལྟར་སྒྲུབ་དང་སུན་འབྱིན་གྱི། །རིག་པའི་གཞུང་ལུགས་གང་གིས་ཤེས། །མཁས་པ་དེས་ནི་རྫོགས་པ་ཡི། །སངས་རྒྱས་རྣམས་ཀྱི་བསྟན་པ་འཛིན། །ཞེས་གསུངས་པ་རིགས་པར་སྨྲ་བའི་ཁྱུ་མཆོག་སློབ་དཔོན་ཕྱོགས་ཀྱི་གླང་པོས་མཛད་པའི་ཚད་མའི་མདོ། ཤེས་བྱ་རིག་གནས་ལྔའི་སྐབས་སུ་བཞི་པ་ཚད་མ། རྗེ་བཙུན་ས་སྐྱ་པའི་བསྟན་འཛིན་ཀུན་མཁྱེན་གཡག་སྟོན་སངས་རྒྱས་དཔལ་