[A:163]རྒྱུ་མཚན་ཡང་ཇི་སྐད་དུ། མཐུ་ཆེན་དྲེགས་པའི་དབང་ཕྱུག་གདོང་བཞི་ལ། །གཉེར་དུ་གཏད་དོ་དམ་ཉམས་སྣོད་མིན་ལ། །སྤེལ་ན་དེ་ཡི་སྙིང་ཁྲག་གསོལ་བར་མཛོད། །བླ་མ་ལ་གུས་དམ་ཚིག་སྙིང་རྗེར་ལྡན། །བསྟན་ལ་སེམས་པའི་སྣོད་ལྡན་བྱུང་གྱུར་ན། །ཐོག་མར་དམ་བཏགས་ཆིག་བརྒྱུད་ཚུལ་དུ་སྦྱིན། །དེ་མཐར་བཀའ་རྒྱས་གདབ་པ་ཤིན་ཏུ་གཅེས། །ཞེས་གསུངས་པ་བརྒྱུད་འཛིན་མཐའ་དག་གིས་སྙིང་གི་དཔལ་བེའུར་བཅངས་ཤིང་འཆང་བར་འགྱུར་བ་ཤ་སྟག་གོ། །། འགོར་ན་མོ་གུ་ར་ཝེ། འདི་ལྟར་ཕྱི་ནང་གིས་བསྡུས་པའི་ད་ལྟར་གྱི་འཆར་སྒོ་རྟོག་རིགས་བག་ཆགས་དང་བཅས་པ་འདི་དག་ཅེས་ཡོད་པའི་ནང་སྒྲུབ་དང་གསང་སྒྲུབ་ཀྱི་གནད་ཀྱི་ཟིན་བྲིས་སྐྱེ་བའི་ཆོ་འཕྲུལ་སྣ་ཚོགས་འབྱུང་བ་མཚོན་པའོའི་མཐའ་ཅན། ནང་གསང་གི་ཁྲིད་མ་ཐོབ་པར་ལུང་མི་མཛད་པ་ཕྱག་ལེན་ནོ། །མགོན་པོ་ཁྲོ་བཅུའི་སྲུང་འཁོར་ལ་ཉེ་བར་མཁོ་བའི་ཁྲོ་བཅུའི་མན་ངག་ཞལ་༼ཞ༽༼༽གདམས་དང་བཅས་པ་བྱ་འགྱུར་རྡོ་རྗེའི་ཕོ་བྲང་དུ་ཀུན་དགས་ཡི་གེའི་རྐྱེན་སྦྱར་བ་ལ་བརྟེན་ནས་མཛད་པ་རྣམས་སོ། །གཉིས་པ་གསུང་སྒྲོས་ཟིན་བྲིས་ཀྱི་སྐོར་ལ། བཀའ་བབས་བཞིའི་རྣམ་གཞགསྐུ་གསུང་ཐུགས་ཕྱི་ནང་གསང་བའི་རྟེན་བཤམ་ཚུལ། བསྙེན་སྒྲུབ་ལས་སྦྱོར། གཏོར་མ་དང་མཆོད་པའི་རིམ་པ། དམ་པའི་ཤོག་དྲིལ་དྲུག་གི་ལག་ལེན་རྣམས་གསལ་བར་སྟོན་པའི་ཟིན་བྲིས་ཆེན་༼ཞ༽མོར་གྲགས་པ། མཇུག་ན་ཇི་སྐད་དུ། འདི་ལས་ཕུན་ཚོགས་དགེ་བ་གང་ཐོབ་དེས། །བློ་གྲོས་ཁང་བཟང་སྙན་བརྒྱུད་ནོར་གྱིས་གཏམས། །རྒྱལ་མཚན་འཕྱར་བས་གཟི་བརྗིད་