[A:170]རྡོ་རྗེ་བྲག་རྫོང་མའི་ཟབ་གནད་ཀྱི་བསྡུས་དོན་ནམ་ཐུན་མོང་མ་ཡིན་པའི་སྙན་བརྒྱུད་ཀྱི་ས་བཅད་མཐོང་སྨིན་དགེ་ལེགས་ཀུན་འབྱུང་དུ་གྲགས་པ། བྲག་རྫོང་མའི་མདེ་ཁ་གདགས་པའི་མན་ངག་ཕྱི་རོལ་རྫས་ཀྱི་སྦྱོར་བའི་མན་ངག་ཞལ་ཤེས་མལ་ཕུར་གྱི་ཡི་གེ དབོན་ཆེན་ཆོས་ཀྱི་རྒྱལ་མཚན་གྱིས་བསྐུལ་ནས་མཛད་པ་བཀའ་རྒྱ་དམ་པའི་གྲས། འགོར་ཨོཾ་སྭ་སྟི། དམ་པ་ཀུན་དགའ་གྲགས་ཀྱིས་མཛད་པའི་སྲུང་འཁོར་རྡོ་རྗེ་བྲག་རྫོང་མའི་ཡིག་ཆུང་ལས་ཞེས་ཡོད་པའི་གཏོར་མ་ལ་བརྟེན་ནས་དགྲ་བགེགས་རང་གཤེད་རང་ལ་དབབ་པའི་མན་ངག་གི་ཡི་གེ་ལྟ་བའི་ངང་དུ་བཞགརྗེས་སྤྱི་ལྟར་བྱའོའི་མཐའ་ཅན། སེར་བ་སྲུང་འབེབས་ཀྱི་མན་ངག་དུག་གི་རླུང་ཆེན་ནག་པོ་ཞར་འབྱུང་ཐོག་སྲུང་ཤྭ་བཟློག་དང་བཅས་པ་དཔལ་བྲག་མིག་ཆོས་རྫོང་གི་ཡང་དབེན་དུ་མཛད་པ། དམ་ཅན་སྲུང་མ་རྣམས་ལ་ཕྱི་རྟེན་འཛུགས་པའི་ལག་ལེན་གྱི་ཡི་གེ་ནག་པོ་འགྲོ་ཤེས་ཀྱི་ཚུལ་དུ་གཙང་རོང་མཚོ་ལའི་མགུལ་གྱི་རི་ཁྲོད་བསམ་གཏན་རྩེར་སྦྱར་བ། གནས་དེ་ཉིད་དུ་མཛད་པའི་དམ་ཅན་སྲུང་མ་རྣམས་ཀྱི་ཐུན་མོང་གི་རུ་མཚོན་འཛུགས་པའི་ཡི་གེ ཟབ་གནད་འདི་དག་ལ་བརྟེན་ནས་ཆོས་སྲུང་རྣམས་མཚོ་ལ་ངང་པ་དང་ཤ་རུལ་ལ་སྦྲང་མ་ལྟར་འདུས་པས་ཁའུ་སྐྱེད་ལྷས། རྩེས་ཐང་བསམ་གཏན་གླིང༌། ཕན་ཡུལ་དཔལ་ལྡན་རྩེ་སོགས་སྲུང་མ་རང་བཞིན་གྱིས་འདུ་བའི་གནས་ཡིན་ཞེས་པའང་གནད་འགག་ཟབ་མོ་ལ་བརྟེན་པ་ཡིན་གྱིས། སྣང་ཤས་དབང་གིས་ཁང་པའི་ཡང་ཐོག་རྩེར། །རྔ་ཐུག་འཛུགས་པའི་སྐྱེ་བོ་མང་ན་ཡང༌། །བརྒྱུད་པའི་མན་ངག་ལག་ལེན་དང་ལྡན་པ། །འདི་འདྲ་ཤེས་པའི་སྔགས་འཆང་ཉིན་སྐར་