[A:182]ཡོད།
གཉན་ལོས་ཞལ་ལ་བསྟོད་པ་པཾ་པད་རཾ་ཉི་མ། ལས་མགོན་རྣམས་ཀྱི་བསྟོད་པ་མགོན་པོའི་བཀའ་༼མུ༽ཉན་མ། བསྟོད་པ་ནག་པོ་རྔམས་པ་མ། ་་་་་དཔལ་ལྡན་དབང་ལྡན་མའི་ཤླཽ་ཀ་གཅིག་བཅུག་འདུག་པ་མ་གཏོགས་ཁ་སྐོང་བསྟོད་འབུམ་དང་ཞབས་བཏགས་མར་ཡང་ཡོད།
བསྐུལ་མགོན་པོ་མ་ཧཱ་ཀཱ་ལ་མ་རྣམས། གཞན་ཡང་ཁྲོ་བཅུའི་ཕྲིན་ལས་བསྐུལ་བ་མཁའ་དབྱིངས་དག་ཀློང་མ་ས་རྟ་རྒྱལ་ཟླ་ལ་ཕོ་བྲང་དུ་འཕགས་པ་རིན་པོ་ཆེས་མཛད་པ། ཁྲོ་བོ་བཅུ་གཅིག་གི་གཏོར་འབུལ་དང་བསྟོད་པ་སེར་སྣ་རྣམ་དག་མ་མཁན་ཆེན་གནས་དྲུག་པས་རྒྱུད་ལས་ཕྱུང་བ། ཡང་དེས་རྒྱུད་ལས་ཕྱུང་བའི་བསྐུལ་བྱང་ཆུབ་སེམས་བསྐྱེད་མ། དེས་མཛད་པའི་བསྟོད་པ་མེ་སྟག་ཐིམ་འགྱུར་མ་རྣམས་ཀྱང་ཐོབ་བོ། །རྩ་བའི་གསུམ་པ་བླ་མ་གྱི་ལྗང་ལོ་ཙཱ་བ་ནས་བརྒྱུད་པའི་གྱི་ལྗང་པོ་ཏིའི་སྐོར་ནི། ཚར་ཆེན་ཆོས་ཀྱི་རྒྱལ་པོས་མཛད་པའི་ཁོག་ཕུབ་ཡི་གེའི་དཀར་ཆག་ཟབ་དོན་གནད་ཀྱི་ལྡེ་མིགདེ་ལས་བྱུང་བའི་ཆོས་སྐོར་ལ། སྔོན་དུ་འགྲོ་བ་ལོ་རྒྱུས་ཀྱི་ཡི་གེ སྣོད་རུང་དུ་བྱ་བ་དབང་དང་རྗེས་གནང་གི་ཡི་གེ རྩ་བར་གྱུར་པ་རྒྱུད་ཀྱི་ཡི་གེ ཉམས་སུ་ལེན་པ་སྒྲུབ་ཐབས་ཀྱི་ཡི་གེ དཀར་ཆག་ཏུ་མ་འཁོད་པའི་ཡི་གེ་དང་ལྔ། དང་པོ་ལ། འགོར་བླ་མ་དམ་པ་རྣམས་ལ་ཕྱག་འཚལ་ལོ། །རྡོ་རྗེ་ནག་པོ་ཆེན་པོའི་སྐྱེ་རྒྱུད་ནི་ཞེས་ཡོད་པའི་ཡིག་རྙིང་༼མཆོད་རྟེན༽གུར་མགོན་གྱི་སྐྱེ་རྒྱུད་རྫོགས་སོའི་མཐའ་ཅན། འགོར་དཔལ་ནག་པོ་ཆེན་པོ་ལ་ཕྱག་འཚལ་ལོ། །དེ་ལ་སྔོན་གྱི་དུས་ན་རྒྱལ་བུ་གཅིག་དང་བློན་པོའི་བུ་གཅིག་གིས་ཞེས་ཡོད་པའི་༼རྡོ་རྗེ༽ལྷ་དངོས་ཀྱི་ལོ་རྒྱུས་དང་བྲམ་ཟེ་མཆོག་སྲེད་སོགས་བརྒྱུད་པའི་བླ་མ་རྣམས་སྟོན་པའི་