[A:196]པ། དེའི་གསལ་བྱེད་མར་རྔོག་གི་ཕྱག་ལེན་ཞེས་པའི་གསང་སྒྲུབ་རྗེས་གནང་གི་ཡི་གེ་མཁས་པའི་དབང་པོ་བློ་གསལ་རྒྱ་མཚོས་བསྐུལ་བ་ལ་བརྟེན་ནས་རྔོག་བསོད་ནམས་བསྟན་འཛིན་གྱིས་སྟོད་ལུང་མཚུར་ཕུའི་གཙུག་ལག་ཁང་དུ་མཛད་པ། མ་མོ་སྤྱིའི་རྒྱུད་དཔལ་རྡོ་རྗེ་མཁའ་འགྲོ་མ་མེ་ལྕེ་འབར་མའི་རྒྱུད་ལེའུ་ཉི་ཤུ་རྩ་གཉིས་པ་ཨཽ་ཌྱཱན་གྱི་གནས་ཆེན་པོར་མཁའ་འགྲོ་མ་ཌོམྦི་ཀ་མ་ལའི་ཞལ་སྔ་ནས་དང་སྒྱུར་བྱེད་ཀྱི་ལོ་ཙཱ་བ་ཅོག་རོ་ཀླུའི་རྒྱལ་མཚན་གྱིས་ཞུས་ཏེ་གཏན་ལ་ཕབ་པ། དུད་སོལ་མའི་སྒོས་རྒྱུད་དཔལ་ལྷ་མོ་ནག་མོ་དངོས་གྲུབ་ཐམས་ཅད་འབྱུང་བའི་རྒྱུད་ལེའུ་བཅོ་ལྔ་པ་རྒྱ་གར་གྱི་མཁན་པོ་ནཱ་རོ་པ་དང་བོད་ཀྱི་ལོ་ཙཱ་བ་བནྡེ་ལོ་ཀ་ཤྲཱིས་བསྒྱུར་བ། ཡང་ལོ་པཎ་དེ་གཉིས་ཀྱིས་བསྒྱུར་བའི་འདོད་ཁམས་དབང་ཕྱུག་མ་ཕྱི་སྒྲུབ་ཀྱི་རྒྱ་གཞུང་ཞེས་པ་བསྙེན་པ། སྨྱོ་ཞིང་བསད་པ། བསམ་གཏན་གྱིས་གསོད་པ་རྣམས་སྟོན་པའི་མཁའ་འགྲོ་དུད་སོལ་མའི་སྒྲུབ་ཐབས་མཁས་པ་ཆེན་པོ་བྲམ་ཟེ་མཆོག་སྲེད་ཀྱིས་མཛད་པ།
་་་་་འདི་དང་མེ་འབར་མའི་ཕྱི་པ་ལྟར་སྒྲུབ་པ་གཉིས་ཁྱད་པར་མེད་ཅེས་དཀར་ཆག་ཏུ་གསུང་པ་ལྟར་ཞུས་དག་ཀྱང་ཕེར་བ་འདུག་གོ།
དེའི་བསྡུས་དོན་ས་བཅད་འགོར། དཔལ་ལྡན་ལྷ་མོ་ནག་མོ་ལ་གུས་པས་ཕྱག་འཚལ་ལོ། །འདི་སྒྲུབ་པ་ལ་དོན་བཞི་སྟེ་ཞེས་ཡོད་པ་རྫོགས་བྱང་གི་མཐའ་ཅན། བསྙེན་པ་ལ་དོན་བཅོ་ལྔ། སྒྲུབ་པ། ལས་སྦྱོར། སྨྱོ་ཞིང་བསད་པ་ལ་དོན་ལྔ། ་་་་་དོན་ལྔ་ཟེར་ཡང་རྫས་བསགས་པ་ནས་སྦྱིན་སྲེག་གི་བར་བརྒྱད་འདུག་གོ།
བསྐྱར་བའི་ཆོ་ག་དང་བཅས་པའི་ལག་ལེན་ཤིན་ཏུ་ཟབ་ཅིང་གསལ་བ་རྒྱ་གཞུང་གི་འགྲེལ་པ་ཞལ་གདམས་མར་གྲགས་པ་ཞག་བདུན་དུ་ཅི་ཡང་མི་ཟ་བར་བྱེད་དོ་དེས་ངེས་པར་འགྲུབ་བོའི་མཐའ་