[A:210]གྲོས་རྒྱལ་མཚན། རྗེ་རྡོ་རིང་པ། རྗེ་བློ་གསལ་རྒྱ་མཚོ། འཇམ་དབྱངས་མཁྱེན་བརྩེའི་དབང་ཕྱུག ཡབ་སྲས་གཉིས་ཀ་ལས་མཁན་ཆེན་བསླབ་གསུམ་རྒྱལ་མཚན་དང༌། སྔགས་འཆང་བསོད་ནམས་ཆོས་འཕེལ་གཉིས་ཀྱིས་གསན། དེ་གཉིས་ཀ་ལས་རྡོ་རྗེ་འཆང་དབང་ཕྱུག་རབ་བརྟན་དང༌། མཁན་ཆེན་ངག་དབང་ཆོས་གྲགས་གཉིས་ཀྱིས་གསན། ཕྱི་མ་ལས་ས་སྐྱ་བདག་ཆེན་ཀུན་དགའ་བསོད་ནམས། རྒྱལ་མཁར་རྩེ་པ་ངག་དབང་བསོད་ནམས། རྗེ་རི་ཁྲོད་པ་ཀུན་དགའ་རིན་ཆེན། འཇམ་དབྱངས་སངས་རྒྱས་ཕུན་ཚོགས། མཁན་ཆེན་རྡོ་རྗེ་འཆང་བཀྲ་ཤིས་ལྷུན་གྲུབ། དེས་བདག་ཚུལ་ཁྲིམས་རིན་ཆེན་ལའོ། །ཡང་ན། མུས་ཆེན་སངས་རིན་ནས། མུས་ཆེན་ནམ་མཁའ་སངས་རྒྱས། རྗེ་བཙུན་ཆོས་དབང༌། སངས་རྒྱས་རྒྱལ་མཚན། ས་སྐྱ་པ་ཨ་མིའི་དྲུང་ངོ༌། །རྗེ་ཐར་རྩེ་ནས། སྔགས་འཆང་བློ་གྲོས། དེ་ལའང་ཨ་མིའི་དྲུང་གིས་སོ། །ཡིག་ཆ་ནི་ཐོག་མར་མལ་ལོས་ཐོ་ཙམ་མཛད། དེ་རྗེས་འཕགས་པ། ཆོས་རྗེ་བླ་མ་དམ་པ་སོགས་ཀྱིས་མཛད་པའི་ཡིག་ཆ་ཡོད་ལ། འདིར་པཎ་ཆེན་ནམ་མཁའ་དཔལ་བཟང་གིས་མཛད་པའི་གུར་གྱི་མགོན་པོ་ལྷ་བཅུ་གཉིས་མ་སྦགས་ཏེ་སྒྲུབ་པའི་རྗེས་གནང་གི་ཡིག་ཆའི་སྟེང་ནས་ཐོ་ཡིག་གིས་འདོར་ལེན་མཛད་པའི་སྒོ་ནས་སོ། །ཡང་གུར་གྱི་མགོན་པོ་ལྕམ་དྲལ་ལྷ་བརྒྱད་ངོར་ལུགས་ཀྱི་རྗེས་གནང་ཐོབ་པའི་བརྒྱུད་པ་ནི། ཆོས་ཀྱི་རྒྱལ་པོ་འཕགས་པ་རིན་པོ་ཆེ་ཡན་གོང་ལྟར་ལས། དེ་ནས་ཞང་དཀོན་མཆོག་དཔལ། ན་བཟའ་བྲག་ཕུག་པ། བླ་མ་དམ་པ་བསོད་ནམས་རྒྱལ་མཚན། བླ་མ་དཔལ་ལྡན་ཚུལ་ཁྲིམས། ཤར་པ་