[A:215]འདྲ། གུར་གྱི་མགོན་པོ་གསང་སྒྲུབ་ལྷ་དགུའི་རྗེས་གནང་ཐུན་མོང་མ་ཡིན་པ་གསང་བའི་ཡང་གསང་རྗེ་ཚར་ཆེན་ཡན་སྙན་བརྒྱུད་འབའ་ཞིག་ཏུ་བཞུགས་པ་ལ། ཚར་ཆེན་གྱིས་ཐོ་ཙམ་མཛད་པ་དབང་ཕྱུག་རབ་བརྟན་གྱིས་ཚིག་སྣ་ཅུང་ཟད་བསྲིངས་བ་ཁ་བྱང་རྒྱ་སྐད་ཡོད་པའི་སྟེང་ངམ་མཁན་ཆེན་ངག་ཆོས་པས་མཛད་པ་གང་རུང་གི་སྟེང་ནས་ཐོབ་པའི་བརྒྱུད་པ་ནི། ཚར་ཆེན་རྡོ་རྗེ་འཆང་ཆེན་པོ་ཡན་ཁྲོ་བཅུ་ལྟར་ལས། དེ་ནས་ཀུན་མཁྱེན་མཁྱེན་བརྩེའི་དབང་ཕྱུག མཁན་ཆེན་བསླབ་གསུམ་རྒྱལ་མཚན། རྡོ་རྗེ་འཆང་དབང་ཕྱུག་རབ་བརྟན། མཁན་ཆེན་རིན་ཆེན་བསོད་ནམས་མཆོག་གྲུབ། རྡོ་རྗེ་འཆང་མཁྱེན་རབ་བྱམས་པ་ངག་དབང་ལྷུན་གྲུབ། རྨོར་ཆེན་ངག་གི་དབང་ཕྱུག་ཀུན་དགའ་ལྷུན་གྲུབ། དེས་བདག་ཚུལ་ཁྲིམས་རིན་ཆེན་ལ་བཀའ་དྲིན་དུ་སྩལ་ཏོ། །ཡང་ན་མཁྱེན་བརྩེའི་དབང་ཕྱུག་ནས། རྗེ་བཙུན་བསོད་ནམས་ཆོས་འཕེལ། མཁན་ཆེན་ངག་དབང་ཆོས་གྲགས། ཡོངས་འཛིན་ངག་དབང་རྣམ་རྒྱལ། མཁན་ཆེན་ཀུན་དགའ་ཚུལ་ཁྲིམས། ཆོས་རྗེ་བུདྡྷ་ཤྲཱི་བྷ་དྲ། མཁས་གྲུབ་སངས་རྒྱས་ཕུན་ཚོགས། མཚུངས་མེད་བསྟན་འཛིན་ལྷུན་གྲུབ། རྡོ་རྗེ་འཆང་ཆེན་པོ་བཀྲ་ཤིས་ལྷུན་གྲུབ། དེས་བདག་ལའོ། །སྲུང་འཁོར་རྡོ་རྗེ་བྲག་རྫོང་མ་བསྲུང་ཟློག་བསད་གསུམ་གྱི་ཕྱི་ཁྲིད། ནང་ཁྲིད་དྲག་པོ་སྔགས་རྒོད་ཀྱི་གསང་ཁྲིད་གཉུག་མ་ཡེ་ཤེས་ཀྱི་རྩལ་འདོན་རྣམས་ཀྱི་ཁྲིད་ཞིབ་ཏུ་ཐོབ་ཅིང༌། མཁན་ཆེན་ངག་དབང་ཆོས་གྲགས་ཀྱིས་མཛད་པའི་ཡིག་ཆའི་ལུང་དང་བཅས་པ་ཐོབ་པའི་བརྒྱུད་པ་ནི། འགྲོ་མགོན་ཆོས་རྒྱལ་འཕགས་པ་ཡན་སྔར་དང་འདྲ་ཞིང༌། དེ་