[A:226]འདྲ། ལུགས་གཅིག་ལ། རྡོ་རྗེ་འཆང༌། བྲམ་ཟེ་མཆོག་སྲེད། བཛྲ་པཱ་ཎི། ཀུ་ཀུ་རི་པ། ནག་པོ་རོ་འཛིན། གྱི་ལྗང་དབུ་དཀར་བ། མལ་ལོ་ཙཱ་བ། ས་ཆེན་མན་འདྲ། ནང་གི་ལས་མཁན་བེར་ནག་ཟངས་གྲི་ཅན་གྱི་རྗེས་གནང་གི་བརྒྱུད་པ་ནི། འགོས་སྟོན་ཚར་སྒང་པ་དང༌། རྟ་རྒེ་བླ་མ་ཡོད་པ་སོར་གནས་ཀྱི། རྡོ་རྗེ་འཆང་དབང་ཕྱུག་རབ་བརྟན། མཁན་ཆེན་རིན་ཆེན་བསོད་ནམས་མཆོག་གྲུབ། མཁྱེན་རབ་བྱམས་པ་ངག་དབང་ལྷུན་གྲུབ། རྨོར་ཆེན་རྡོ་རྗེ་འཆང་མན་ཆད་སྔར་དང་འདྲའོ། །གསང་བའི་ལས་མཁན་པུ་ཏྲ་མིང་སྲིང་ཕྱི་ནོར་སྲུང་གནོད་སྦྱིན་ཕོ་མོའི་ཚུལ་དང༌། ནང་བསད་པ་གཤིན་རྗེ་ཕོ་མོའི་ཚུལ་དུ་སྒྲུབ་པའི་རྗེས་གནང་གི་བརྒྱུད་པ་ནི། རྡོ་རྗེ་འཆང༌། འཕགས་པ་ཀླུ་སྒྲུབ། ཨཽ་ཌྱཱན་ཆེན་པོ། པཎ་གྲུབ་དྷརྨ་པཱ་ལ། ལོ་ཆེན་རིན་ཆེན་བཟང་པོ། བྲག་སྟེང་པ་ཡོན་ཏན་ཚུལ་ཁྲིམས། དེ་ལས་མལ་ལོ་ཙཱ་བ་དང༌། འབྲོམ་ཇོ་སྲས་ཞང་དགེ་གཉིས་ཀྱིས་གསན། གཉིས་ཀ་ལས་བླ་མ་ས་སྐྱ་པ་ཆེན་པོ་ཀུན་དགའ་སྙིང་པོ། སློབ་དཔོན་རིན་པོ་ཆེ་བསོད་ནམས་རྩེ་མོ། རྗེ་བཙུན་རིན་པོ་ཆེ་གྲགས་པ་རྒྱལ་མཚན། འཇམ་དབྱངས་ས་སྐྱ་པཎྜི་ཏ། འཕགས་པ་བློ་གྲོས་རྒྱལ་མཚན། རྒྭ་ཨཱ་ནན་དམ་པ། དགའ་ལྡན་པ་ཀུན་དགའ་བསོད་ནམས། གན་པ་རིན་རྒྱལ། བླ་མ་དམ་པ་བསོད་ནམས་རྒྱལ་མཚན། བླ་མ་དཔལ་ལྡན་ཚུལ་ཁྲིམས། གྲུབ་ཆེན་བུདྡྷ་ཤྲཱི། རྡོ་རྗེ་འཆང་ཀུན་དགའ་བཟང་པོ། སེམས་དཔའ་ཆེན་པོ་དཀོན་མཆོག་རྒྱལ་མཚན། རྒྱལ་ཚབ་དམ་པ་ཀུན་དགའ་དབང་ཕྱུག ཡོངས་འཛིན་དཀོན་མཆོག་འཕེལ་བ། ས་ལོ་ཙཱ་བ་འཇམ་དབྱངས་ཀུན་