[A:311]སོ། །གཉིས་པ་ཉང་ལུགས་སྐོར་ནི། དྲག་པོ་བཙན་གྱི་རྐྱལ་འབུད་སློབ་དཔོན་ཆེན་པོས་མངའ་བདག་ལ་གདམས་པ་སྤ་གྲོ་སྐྱེར་ཆུ་དང་རུ་ལག་གྲོམ་པ་རྒྱང་གཉིས་སུ་རྒོད་དང༌། གཡུང་མང་ཡུལ་དུ་སྦས་ཤིང་རྒོད་གཅིག་མཆིམས་ཕུར་སྦས་པ་མངའ་བདག་ཉང་གིས་སྤྱན་དྲངས་པ་ལ། བཤན་པ་སྲོག་གཅོད་དམར་པོའི་སྲོག་མཐུ་དྲག་པོ་བཙན་གྱི་རྐྱལ་འབུད་བསྙེན་སྒྲུབ་རྦད་བསྐུལ་ལ་མ་བལྟོས་པའི་ངན་སྔགས་ཆིག་ཆོད་མ་ཡིད་ལ་ཡང་དྲན་དུ་མི་རུང་ངོའི་མཐའ་ཅན། གསང་བསྐུལ་དུར་ཁྲོད་ཆེན་པོ་མ་ཕྲིན་ལས་གོང་མ་རྣམས་ལས་ཐོས་པ་ཡི་གེ ར་བཀོད་པའོའི་མཐའ་ཅན། བཤན་པ་སྲོག་གཅོད་དམར་པོའི་སྲོག་མཐུའི་ཞལ་ཤེས་བསད་ཐབས་རྣམ་པ་ལྔས་བསྟན་པ་ལས་འཕྲོ་ཅན་དང་འཕྲད་ཤོག་གི་མཐའ་ཅན། དྲག་པོ་བཙན་གྱི་རྐྱལ་འབུད་ཀྱི་ཞལ་ཤེས་ཡིག་ཆུང་སྒྲུབ་པའི་ཞག་གྲངས་སྤོགས་པ་ཁ་བསྒྱུར་རྣམས་བསྟན་པ་གསང་བའི་ཞལ་ཤེས་སྙིང་ལྟར་ཆོངས། ལས་ཅན་ལ་འཕྲད་ཤོག་གི་མཐའ་ཅན། དྲག་པོ་བཙན་གྱི་རྐྱལ་འབུད་ཀྱི་ཡང་ཡིག་རྒྱ་གར་གྱི་ངན་སྔགས་བསད་པའི་སྤུ་གྲི་ལྡང་བ་དགྲའི་གཤེད་མ་བླ་སྲོག་རྐུ་བའི་མན་ངག་མ་གཏེར་ནས་ཕྱུང་བ་ཨི་ཐིའི་མཐའ་ཅན་དང་བཅས་པ་རྣམས་ལེགས་པར་ཐོབ་ཅིང་ངག་དབང་ཆོས་གྲགས་པའི་ཡི་གེ་ལྟར་ལྕམ་སྲིང་གཉིས་ཀྱི་རྗེས་གནང་དང་བཀའ་མ་ཕལ་ཆེར་གྱི་ལུང་མན་ངག་དང་བཅས་པའི་བརྒྱུད་པ་ནི། རྡོ་རྗེ་འཆང༌། མ་ཧཱ་དེ་བ། ཨཱ་ཙཱརྻ་ཉི་འོད་གྲགས་པ། སྲས་ཟླ་བ་ནག་པོ། པཎྜི་ཏ་གྷ་ཡ་དྷ་ར།
་་་་་ཤྲཱི་དྷ་ར་ཀྲ་ཤུའང་ཟེར།
འདི་ལམ་འབྲས་པའི་གྷ་ཡ་དྷ་ར་ནི་མིན་ནོ། །གཉན་ལོ་ཙཱ་བ་དར་མ་གྲགས། གནམ་ཁའུ་