[A:319]རིན་ཆེན་གྱིས་མཛད་པའི་ཡིག་ཆའི་སྟེང་ནས་ཐོབ་ཅིང་ལུང་ཡང་མནོས་སོ། །ཡང་ན་རྗེ་སངས་རྒྱས་རིན་ཆེན། ལྷ་མཆོག་སེངྒེ། བུདྡྷ་སིངྷ། བྲང་ཏི་པཎ་ཆེན། སྙིང་རྗེ་བཟང་པོ། ངག་དབང་བསྟན་པའི་རྡོ་རྗེ། མཁན་ཆེན་བསོད་ནམས་རྒྱ་མཚོ་མན་འདྲ། བཻ་རོ་ཙ་ན་དང་ས་སྐྱ་པ་ཆེན་པོ་དང་ཡར་ལུང་པ་རྣམས་ཀྱིས་མཛད་པའི་ཡི་གེ་རྣམས་ཀྱི་ལུང་གི་བརྒྱུད་པ་ནི། བདག་ཆེན་རྡོ་རྗེ་འཆང་ཡན་རྗེས་གནང་དང་འདྲ་ལ། དེ་ནས་རྗེ་བཙུན་རྡོ་རིང་པ། ཚར་ཆེན་བློ་གསལ་རྒྱ་མཚོ། འཇམ་དབྱངས་མཁྱེན་བརྩེའི་དབང་ཕྱུག སྔགས་འཆང་བསོད་ནམས་ཆོས་འཕེལ། མཁན་ཆེན་དབང་ཕྱུག་རབ་བརྟན། སྔགས་འཆང་ཐམས་ཅད་མཁྱེན་པ་ངག་དབང་ཀུན་དགའ་བསོད་ནམས། དེ་ནས་བརྒྱུད་དམ་བླ་མ་གཉིས་ཙམ་བཙལ་དགོས། མཁན་ཆེན་བཟང་པོ་རྒྱལ་མཚན། འཇམ་དབྱངས་བཀྲ་ཤིས་དབང་ཕྱུག དབང་བླ་ཀུན་དགའ་བསྟན་འཛིན། མཁན་ཆེན་སངས་རྒྱས་དཔལ་བཟང༌། དེས་བདག་ཚུལ་ཁྲིམས་རིན་ཆེན་ལའོ། །ཡང་ན་བླ་མ་གཉིས་ཙམ་བཙལ་དགོས་པ་ནས། ཆོས་ཀྱི་རྗེ་བཀྲ་ཤིས་དཔལ་ལྡན། མཁས་བཙུན་ཀུན་དགའ་བཀྲ་ཤིས། འཇམ་དབྱངས་སངས་རྒྱས་ཕུན་ཚོགས། མཚུངས་མེད་བསྟན་འཛིན་ལྷུན་གྲུབ། མཁན་ཆེན་དཔལ་ལྡན་ཆོས་སྐྱོང༌། དེས་བདག་ཚུལ་ཁྲིམས་རིན་ཆེན་ལའོ། །ཆོས་རྒྱལ་དབང་པོའི་སྡེས་མཛད་པའི་དུར་ཁྲོད་བདག་པོའི་སྒྲུབ་སྐོར་མང་དུ་མཆིས་པ་རྣམས་ཀྱི་ལུང་ནི་མ་ཐོས་སོ། །༈། །པཎ་ཆེན་ནམ་མཁའ་དཔལ་བཟང་གིས་མཛད་པའི་ཡི་གེ་བཀླག་པས་དོན་གྲུབ་ཀྱི་སྟེང་ནས་དཔལ་འཁོར་ལོ་བདེ་མཆོག་གི་