[A:330]ཏོ། །ཡང་ན་རྗེ་སངས་རྒྱས་ཕུན་ཚོགས་ནས། རྡོ་རྗེ་འཆང་ཀུན་དགའ་བསྟན་འཛིན། དེས་བདག་བནྡེ་ཚུལ་རིན་ལའོ། །ཡང་ན་སངས་རྒྱས་ཕུན་ཚོགས་ནས། བླ་མ་གཅིག་གཉིས་བཙལ། དེ་ནས་མཁན་ཆེན་རྡོ་རྗེ་འཆང་བཀྲ་ཤིས་ལྷུན་གྲུབ། དེས་བདག་ལའོ། །མགོན་དཀར་ཡིད་བཞིན་ནོར་བུའི་སྒྲུབ་ཐབས་ལས་ཚོགས་དང་བཅས་པ་ཁྱུང་པོས་མཛད་པ་དང༌། མཁན་ཆེན་ངག་དབང་ཆོས་གྲགས་ཀྱིས་མཛད་པའི་སྒྲུབ་ཐབས་རྗེས་གནང་དང་བཅས་པའི་ལུང་ཐོབ་པའི་བརྒྱུད་པ་ནི། མུས་ཆེན་ནམ་མཁའི་རྣལ་འབྱོར་ཡན་རྗེས་གནང་དང་འདྲ་ལ། དེ་ནས་བྱང་སེམས་སྦྱིན་པ་བཟང་པོ། གྲུབ་ཐོབ་ཐང་སྟོང་རྒྱལ་པོ། མང་མཁར་བ་བློ་གྲོས་རྒྱལ་མཚན། པུ་རང་བ་དཔལ་ལྡན་དར་པོ། ཞི་དགོན་པ་བསོད་ནམས་རྩེ་མོ། ལོ་ཆེན་འགྱུར་མེད་བདེ་ཆེན། མཁས་པ་ངག་དབང་ཆོས་གྲགས། བདག་པོ་བསོད་ནམས་རྒྱལ་མཚན། འཇམ་དབྱངས་བཀྲ་ཤིས་དཔལ་ལྡན། ཆོས་ཀྱི་སྤྱན་ལྡན་སངས་རྒྱས་དཔལ་བཟང༌། མཁན་ཆེན་འཇམ་དབྱངས་སངས་རྒྱས་ཕུན་ཚོགས། དེ་ལས་རྡོ་རྗེ་འཛིན་དབང་ཀུན་དགའ་བསྟན་འཛིན་གྱིས་གསན། དེ་ལས་མཁན་ཆེན་འཇམ་དབྱངས་སངས་རྒྱས་དཔལ་བཟང་གིས་གསན། དེས་སྙོམ་ལས་མཁན་གྱི་མཐར་ཐུག་པ་བནྡེ་ཚུལ་ཁྲིམས་རིན་ཆེན་བདག་ལའོ། །༈། །ལོ་པ་ཚུལ་ཁྲིམས་དར་གྱིས་མཛད་པའི་རྗེས་གནང་གི་ཡི་གེ་དང་གཏོར་ཆོག་གི་སྟེང་ནས་ཇོ་བོ་ཆེན་པོ་ལུགས་ཀྱི་མགོན་པོ་གྲི་གུག་ལྕམ་དྲལ་གྱི་རྗེས་སུ་གནང་བ་ཐོབ་པའི་བརྒྱུད་པ་ནི། རྡོ་རྗེ་འཆང༌། ཡེ་ཤེས་ཀྱི་མགོན་པོ། སློབ་དཔོན་བྲམ་ཟེ་མཆོག་སྲེད། པཎ་ཆེན་བདེ་བའི་རྡོ་རྗེ། ཤྲདྡྷཱ་ཀ་