[A:346]སྐབས་ཁ་ཆེ་པཎ་ཆེན་གྱི་བདེ་སྡུག་སྐུ་གསུམ་ངོ་སྤྲོད་པ་སྐྱིད་སྡུག་ལམ་ཁྱེར་གྱི་བརྒྱུད་པ་ནི། ཁ་ཆེ་པཎ་ཆེན། ཁྲོ་ལོ། ལྷོ་བྲག་པ། བདེ་བ་དཔལ། གྲགས་པ་གཞོན་ནུ། བསོད་ནམས་གྲགས་པ། རྒྱལ་སྲས་པ། རེད་མདའ་བ། གྲགས་པ་རྒྱལ་མཚན། དཀོན་མཆོག་རྒྱལ་མཚན། ཀུན་དགའ་མཆོག་གྲུབ་མན་བློ་སྦྱོང་དོན་བདུན་མ་དང་འདྲ། ༤སུམ་པ་ལོ་ཙཱ་བ་ཁམས་འདུས་པའི་ཚེ་སྒྲོལ་མས་གནང་བའི་གདམས་པ་རྒྱལ་སྲས་ཐོགས་མེད་པས་བླ་མ་དམ་པ་ལ་དྲུང་གི་ཐུགས་དམ་གྱི་བཅུད་སེམས་ཅན་ལ་ཕན་པ་ཞིག་ཞུས་པས་གནང་བའི་སུམ་པ་ལོ་ཙཱའི་སྙན་བརྒྱུད་ཀྱི་བརྒྱུད་པ་ནི། རྡོ་རྗེ་ཕག་མ། སྒྲོལ་མ། སུམ་པ་ལོ་ཙཱ་བ། ས་པཎ། འཕགས་པ། ཞང་སྟོན་ཁུ་དབོན། བླ་མ་དམ་པ། རྒྱལ་སྲས་བཟང་པོ་དཔལ། བྱང་ཆུབ་རྩེ་མོ། ཧོར་བཀའ་བཞི་པ་མན་བློ་སྦྱོང་དོན་བདུན་མ་ལྟར་རོ། ༥། རྒྱལ་ཐང་པ་བསམ་གཏན་འོད་ཟེར་གྱི་ཡི་གེ་ལ་གཅོད་ཡུལ་སྔ་མ་རྣམས་ལ་མ་གྲགས་པའི་ལབ་སྒྲོན་གྱི་ཞལ་ཤེས་གསང་བས་བརྒྱན་པའི་བརྒྱུད་པ་ནི། ཡུམ་ཆེན་མོ། བསྟན་པའི་གཙོ་བོ། འཇམ་དབྱངས་སྨྲ་སེང༌། སྒྲོལ་མ། སུ་ཁ་སིདྡྷི། ཨཱརྻ་དེ་ཝ། དམ་པ་སངས་རྒྱས། སྐྱོ་སྟོན་བསོད་ནམས་བླ་མ། མ་གཅིག་ལབ་སྒྲོན། ཁུ་སྒོམ་ཆོས་སེང༌། དོལ་པ་ཟང་ཐལ། རྒྱ་ནག་གཅེར་བུ། སངས་རྒྱས་རབ་སྟོན། སངས་རྒྱས་དགེ་སློང༌། རིན་ཆེན་འོད་ཟེར། རྩ་ཚ་རས་པ།
་་་་་འདི་གཉིས་གྲོལ་མཆོག་གི་བརྒྱུད་འདེབས་ན་སྣང་ཡང་གསན་ཡིག་ན་མི་འདུག་་་་་
སྐྱེ་མེད་ཇོ་སྟན། མཁན་ཆེན་ཆོས་རིན། རིན་ཆེན་གངས་པ། ཤཱཀྱ་བཤེས་གཉེན། རིན་ཆེན་དཔལ་བཟང༌། རིན་ཆེན་གཞོན་ནུ། བསམ་