[A:350]རྡོར་སེང༌། ཞང་ཞུང་པ། སངས་རྒྱས་སྒོམ་པ་མན་བསྟན་རིམ་བཞིན་ནོ། །ལྷ་གཞན་གསུམ་གྱི་བརྒྱུད་པར་ཐུབ་པའི་ཚབ་ཏུ་ལྷ་སོ་སོ་འཇུག་པ་ཙམ་ལས་དེ་ཕྱིན་འདྲ། ཡང་ན་ལྷ་བཞི་སོ་སོའི་ཁྲིད་བརྒྱུད་བྱ་རྒྱུད་ཀྱི་སྐབས་སྨོས་པ་ལྟར་གྱི་གཉུག་ལ་པཎ་ཆེན་ནས། རྗེ་ཀུན་སྤངས་ཆེན་པོ། གྲོལ་མཆོག་མན་འདྲ། འདིར་ལོ་ཕྱོགས་ནས་བརྒྱུད་པའི་ཁྲིད་ཆེན་མོ་ལ་ཟུར་ཟའང་སྣང་ཡང་ཆེན་མོ་རང་ལེགས་པར་མངོན་མ་དག་པས་དག་པ་སུན་དབྱུང་བ་འདྲའོ། ༡༧། སྒྲུང་བརྒྱུད་ལ་བརྟེན་ནས་ལས་དང་པོ་པ་ཡིད་སྒྱུར་བར་བྱེད་པའི་ཐབས་བླ་ན་མེད་པ་དཔེ་ཆོས་ཀྱི་བརྒྱུད་པ་ནི། ཐུབ་པ། འཇམ་དབྱངས། པོ་ཏོ་བ། བྲག་དཀར་བ། སློབ་དཔོན་འཕན་ཡུལ་བ། ལྕེ་སྒོམ་པ། སྨོན་ལམ་མགོན་པོ། རྟ་ནག་པ་རིན་ཡེ། རྗེ་དཔལ་ལྡན་ཡེ་ཤེས་མན་བློ་སྦྱོང་དོན་བདུན་མ་སོར་བཞག་གོ༡༨། ཉམས་ལེན་བྱིན་རླབས་ཀྱི་བརྒྱུད་པའི་ལག་རྗེས་མདོ་སྔགས་མ་ལུས་པ་སྟན་ཐོག་གཅིག་ཏུ་ཧྲིལ་གྱིས་བསྒྲིལ་ནས་སྙིང་གི་ཐིག་ལེར་འཆང་རྒྱུ་ཐིག་ལེ་བཅུ་དྲུག་གི་བརྒྱུད་པ་ནི། ཐུབ་པ། སྒྲོལ་མ། ཇོ་བོ་ཡབ་སྲས། རྔོག་ལེགས་ཤེམངའ་རིས་པ་ཤེར་ཆེན། ཕུ་ཆུང་བ། རིན་ཆེན་རྒྱལ་མཚན། དར་མ་རྒྱལ་མཚན། སྟབ་ཀ་བ་བྱང་བཟང༌། སློབ་དཔོན་ནམ་རིན་པ། འབྲོམ་གཞོན་ནུ་བློ་གྲོས། ལྷོ་པ་ཀུན་མཁྱེན། གྲ་ཕུ་བ། སྒ་ལུང་པ་བྱང་དཔལ། བསོད་ནམས་འོད་ཟེར། བསོད་ནམས་རིན་ཆེན། ཆོས་གྲགས་པ། མཁན་ཆེན་རཏྣ། གཉུག་ལ་པཎ་ཆེན། ཨ་ཝ་དྡྷུ་ཏཱི་པ། རྗེ་གྲོལ་མཆོག་མན་འདྲ། ཡང་ན་ཆོས་གྲགས་པ་ནས། དཔལ་འབྱོར་བཟང་པོ། འབྲོམ་སེང་རྒྱན། ལོ་ཆེན་