[A:52]བཀྲ་ཤིས་གྲགས་པ་རྒྱལ་མཚན་དཔལ་བཟང་པོ། ངག་དབང་ཀུན་དགའ་ལྷུན་གྲུབ། མཁན་ཆེན་རྡོ་རྗེ་འཆང་དཔལ་ལྡན་ཆོས་སྐྱོང༌། དེས་བདག་ཚུལ་ཁྲིམས་རིན་ཆེན་ལའོ། །ས་བཅད་བཞི་པ་ཀུན་མཁྱེན་བཀྲ་ཤིས་རྣམ་རྒྱལ་གྱིས་མཛད་པའི་ཡི་གེའི་ལུང་གི་བརྒྱུད་པ་ནི། ཀུན་མཁྱེན་བཀྲ་ཤིས་རྣམ་རྒྱལ། སྤྱན་སྔ་བསོད་ནམས་ལྷ་དབང༌། ཆོས་རྗེ་ཀུན་དགའ་བཀྲ་ཤིས། རྗེ་ཕྱོགས་ལས་རྣམ་རྒྱལ། ཚར་ཆེན་ཆོས་ཀྱི་རྒྱལ་པོ། འཇམ་མགོན་མཁྱེན་བརྩེའི་དབང་ཕྱུག རྡོ་རྗེ་འཆང་དབང་ཕྱུག་རབ་བརྟན། སྔགས་འཆང་བསོད་ནམས་ཆོས་འཕེལ། ཁྱབ་བདག་དབང་ཕྱུག་རབ་བརྟན། མཁན་ཆེན་ངག་དབང་ཆོས་གྲགས། བྱམས་པ་བསོད་ནམས་མཐའ་ཡས། དཔལ་ས་སྐྱ་པ་ཆེན་པོ། རྨོར་ཆེན་ཐམས་ཅད་མཁྱེན་པ། རྡོ་རྗེ་འཆང་དཔལ་ལྡན་ཆོས་སྐྱོང༌། དེས་བདག་ལའོ། །དཀར་ཆག་ཏུ་ཀུ་རུ་ཀུལླེའི་ཆོས་སྐོར་དུ་གསུངས་ཤིང་མཁྱེན་བརྩེའི་གསན་ཡིག་སོགས་ཕལ་ཆེ་བ་ཟུར་དུ་ཕྱུང་ནས་གསེར་ཆོས་བཅུ་གསུམ་གྱི་གྲངས་སུའང་འདྲེན་པ་བླ་མ་གཉན་ལོ་ཙཱ་བའི་དབང་གི་ལྷ་གསུམ་དུ་གྲགས་པའི་སྐོར་ལ། སོ་སོའི་ཡིག་སྙིང་ལ་གཞི་བྱས། བརྒྱུད་པའི་ཕྱག་ལེན་གྱིས་བརྒྱན་པའི་རྗེས་གནང་སྤྱི་དང་མི་འདྲ་བའི་དཔལ་མོ་གསེར་གྱི་སྙིང་ཐག་ཅན་གྱི་སྐུ་གསུང་ཐུགས་ཀྱི་རྗེས་གནང་ཁྱད་པར་ཅན། ནོར་རྒྱུན་མ་དམར་མོའི་སྐུ་སྒོམ་པ་དང་བཟླས་པའི་ལུང་གི་རྗེས་གནང༌། ལྷ་མོ་ཏི་ནུའི་རྗེས་གནང་བདུད་རྩི། སིནྡྷཱུ་ར། དྲིལ་བུ་ལ་བརྟེན་པའི་སྐུ་གསུང་ཐུགས་ཀྱི་རྗེས་གནང་རྣམས་ལེགས་པར་ཐོབ་ནས། ལུང་ལ་དཔལ་མོ་གསེར་གྱི་སྙིང་ཐག་ཅན་གྱི་སྐོར་ནི། གཉན་ལོས་པཎ་ཆེན་འབུམ་ཕྲག་