[A:76]ཆེན་པོ་གསེར་དཔག་མེད་ཀྱི་རིན་གྱིས་ཉོས། བརྩེ་བ་ཆེན་པོ་ལ་འཕྲང་བྲག་དམར་གྱི་སྡེ་མགོན་གྱིས་སྐུ་དགྲ་བྱས་པ་འདིའི་སྒོ་ནས་དབང་དུ་བསྡུས། གཤེན་རྡོར་སེང་གིས་དཔལ་ཕག་མོ་གྲུབ་པ་དབང་དུ་མཛད། དོ་པ་སྟོན་ཚུལ་ངོམ་ཤོད་རྗེ་བཙད་ཀུན་གྱི་བླ་མར་གྱུར། རྒྱལ་ཚ་ལུང་མང་པོ་ཧོར་རྒྱལ་པོའི་ཏི་ཤྲཱིར་བསྐུར་བ་སོགས་ངོ་མཚར་ལོ་རྒྱུས་ངེས་ཤེས་ཅན་གྱི་མན་ངག་སྐོར་ལ། ས་པཎ་གྱི་ཡི་གེ་དང་དཀོན་མཆོག་ལྷུན་གྲུབ་ཀྱིས་མཛད་པའི་ཡི་གེའི་སྟེང་ནས་ངོར་ལུགས་ཐུན་མོང་མ་ཡིན་པའི་རྗེས་གནང༌། མཁན་ཆེན་ངག་དབང་ཆོས་གྲགས་ཀྱིས་མཛད་པའི་ཡི་གེའི་སྟེང་ནས་ཐུན་མོང་མ་ཡིན་པ་གསང་སྔགས་སྒྲའི་རྗེས་གནང་ལེགས་པར་ནོས་ནས། རྒྱབ་བརྟེན་ལུང་ལ། ཐུན་མོང་བ། ཐུན་མོང་མ་ཡིན་པ། དཀར་ཆག་ཏུ་མ་བཞུགས་པའི་སྐོར་དང་གསུམ། དང་པོ་ལ་འགོར་བླ་མ་དམ་པ་རྣམས་ལ་ཕྱག་འཚལ་ལོ། །གདམས་ངག་འདིའི་བརྒྱུད་པ་ནི་ཞེས་ཡོད་པའི་བླ་མ་བརྒྱུད་པའི་ལོ་རྒྱུས་མདོར་བསྡུས་རོང་པ་དགེ་རིང་གིས་ཞུས་པའོའི་མཐའ་ཅན། འགོར་པདྨ་དབང་གི་ལྷ་ལ་ཕྱག་འཚལ་ལོ། །མཁའ་འགྲོ་མའི་སྒྲུབ་ཐབས་ཞེས་ཡོད་པའི་དབང་སྡུད་ལས་ཀྱི་འཁོར་ལོ་ཡང་སྡུད་ཐུགས་ཀྱི་འཁོར་ལོ་བྱུང་ཚུལ་སོགས་ཀྱི་ལོ་རྒྱུས་ཅུང་ཟད་རྒྱས་པར་ཕྱེ་བ་ཐམས་ཅད་མཁྱེན་པ་བསོད་ནམས་རྒྱལ་མཚན་གྱིས་མཛད་པ་ཆོས་ཀྱི་རྗེས་གསུངས་པའོའི་མཐའ་ཅན། དབང་སྡུད་ཀག་ཆོལ་མའི་ལུང་གི་རྗེས་གནང་གི་ཆོ་ག་༼གློ༽དཔལ་ལྡན་ས་སྐྱ་པཎྜི་ཏས་རྒྱས་པར་བཀོད་པ། བྱིན་རླབས་ཀྱི་ལུང་བླང་བའི་ཞལ་ཤེས་ས་སྐྱ་པཎྜི་ཏ་ཆེན་པོའི་མན་ངག་ཟབ་མོ། བླ་མ་ས་སྐྱ་པའི་གདམས་པ་༼གློ༽ནམ་