[A:27]rje theg pa'i rgyud sde'i ngo bo nges par bya ba la gsum ste/ nges tshigadabye ba/ bzhugs tshul bstan pa'o/ /dang po ni/ theg pa de la ci'i phyir rgyud ces bya zhe na/ skad bye brag tu rtogs par 'bring po las/ tantra pra bandha khye zhes 'byung ba rgyun chags par bshad pa'i don te/ gzhi lam 'bras bu gsum dbyings rang bzhin gyis rnam par dag cing rgyun chags pas na rgyud ces bya ste/ gsang ba 'dus pa las/ rgyud ni rgyun zhes bya bar grags/ /zhes dang / rdo rje rtse mo las/ rgyud ni rgyun chags zhes bya ste/ /'khor bar rgyud du 'dod pa ste/ /mya ngan 'das pa rgyud phyi ma/ /zhes so/ /gnyis pa dbye ba la gnyis/ dbye bsdu'i khyad par dang / grangs nges pa'o/ /dang po ni/ slob dpon sangs rgyas gsang bas/ rnal 'byor spyod dang bya dbye bas/ /rgyud sde rnam pa gsum du 'dod/ /ces bya ba dang / spyod pa dang / rnal 'byor te rgyud sde gsum du bsdu ba ni slob dpon kun dga' snying po la sogs pa bzhed do/ /yang ye shes rdo rje kun las btus pa'i rgyud las/ 'dod chags las byung ba'i byang chub kyi sems ston pa'i phyir btsun mo'i 'khor gyi dbus su bha ga la bzhugs te/ 'jig rten dang 'gal ba'i spyod pa dang mtha' drug gi bshad pa ston pa ni rnal 'byor gyi rgyud la bzhugs so/ /rig pa dang lha mo dkyil 'khor la bkod de/ de las phrin las bsgrub pa/ de kho na bcu ston pa ni gnyis ka'i rgyud la bzhugs so/ /las kyi bya ba rgya chen po ston pa/ phyag rgya dmigs pa'i mtshan nyid ston pa/ sgrub par byed pa ni spyod pa'i rgyud la bzhugs