[A:298]'dzam gling rgyan du bsgyur ba/ rgyud kyi rgyal po chen po las sna tshogs sgrub pa le'u nyi shu rtsa bdun pa/ gnod sbyin gyi rgyal po rnam thos sras kyi rgyud rin chen 'byung ba le'u bcu dgu pa rgya gar gyi paNDi ta kha che dgon pa ba dang lo tsA ba mnga' ris pa ye shes sdes bsgyur ba/ sna tshogs dag pa'i rgyud le'u sum cu pa slob dpon 'gro bzang snying pos mdzad pa zangs dkar lo tsA bas bsgyur ba/ 'di gleng gzhi'i skabs slob dpon gang gis mdzad na 'gro bzang snying pos mdzad ces dang rgyud kyi rdzogs mtshams su mdzad pa po bshad pa mthun par byung yang skye rgyud kyi le'u'i skabs slob dpon 'gro bzang snying pos bcom ldan 'das phyag na rdo rje la zhus par bshad pa cung zad 'gal ba ltar snang yang gsung ba po phyag na rdo rje dang 'gro bzang snying pos de'i bka' bsdus par mdzad pa'i sgra bshad pa 'dra'o/
rje mkhyen brtse'i gsan yig na 'di gnyis kyi bar du sna tshogs dag pa'i rgyud le'ur nyer dgu pa dang 'gro bzang gis mdzad pa'i sgrub thabs gser 'od 'bar ba gnyis 'dug kyang dpe ma 'byor bas ma thob/
'gro bzang snying pos mdzad pa'i zhi ba bde byed lha dgu'i sgrub thabs gser 'od 'bar ba'i TI ka sems can dbul ba rnams kyi don du zhi ba nor sgrub las sbyor dang bcas pa bshad zin to'i mtha' can/ des mdzad pa'i rgyal po chen po rnam thos sras drag byed seng zhon khros pa'i phrin las sgrub tshul bstan pa la phan pa rgya chen po 'byung bar gyur cig gi mtha' can/ 'khor klu brgyad kyis ma bskor bar sgrol byed nag po/ khyab 'jug lha mo dpal tshul gnod sbyin gyi dmag dpung dang bcas pa snang ngo /
des mdzad pa'i rnam thos sras bde byed kyi rtog pa rdzogs byang gi mtha' can paNDi ta te dza de wa dang