[A:30]bsdus par 'dod chags can gyi don du rdo rje dbyings/ zhe sdang can gyi don du khams gsum rnam rgyal/ gti mug can gyi don du 'gro 'dul/ ser sna can gyi don du thams cad grub pa'i dum bu gsungs par bshad do/ /gnyis pa sangs rgyas pa la grub mtha' smra ba bzhi yod pa de dang sgo bstun gyi bskyed chog mi 'dra ba bzhir gzhag pa ni/ nyan thos dbang po tha ma gnas ma bu dang 'bring nyi 'og bye brag tu smra ba dgaphung po las gcig dang tha dad par brjod du med pa'i bdag 'dod pa dang mthun par bya ba'i rgyud kyi bskyed chog ste/ bdag dang ras bris gnyi ga ma yin par ye shes sems dpa' 'dod pa'o/ /de yang ji skad du/ ye shes rdo rje kun las btus pa las/ bdag nyid lha yi snyems pa med pa dang / ye shes sems dpa'i bde ba med pa ni bya ba'i rgyud la bzhugs so zhes gsungs so/ /nyan thos rab kha che bye brag tu smra ba dang mdo sde pa dgade ltar gang zag gi bdag ces bya ba yod par mi 'dod la/ gzung ba'i yul rdul phran dang / 'dzin pa'i shes pa skad cig ma don dam par 'dod pa dang 'dra bar spyod pa'i rgyud kyi bskyed chog ste/ bdag dam tshig sems dpar bskyed/ mdun du ye shes sems dpa' spyan drangs pa so sor 'dod pa'o/ /rang rgyal ba rdul phran cha drug tu dbye ba na rang bzhin med pas gzung yul bden par mi 'dod la/ 'dzin pa'i shes pa skad cig ma tsam bden par smra ba ste/ rgyan las/ gzung ba'i rtog pa spang phyir dang / /'dzin pa ma spangs phyir na yang / /rten gyi bse ru lta bu'i lam/ /yang dag bsdus par shes par bya/ /zhes gsungs pa