[A:396]ngag chos pas mdzad pa/ lam khyer gsum gyi khrid yig 'bras bu lus sems 'chi med kyi khrid yig ga'u ma'i khrid yig rnams grub chen rin po ches mdzad pa/ mkha' spyod dkar dmar phrugs gsum gyi yi ge gsang sgrub skor gsum gyi byin rlabs chos tshan gcig ma tshang ba rnams ngag dbang chos grags kyis mdzad pa/ thugs rje chen po gsang sgrub kyi sgrub thabs mus chen sems dpa' chen po dkon mchog rgyal mtshan gyis mdzad pa/ rta mgrin gsang sgrub kyi byin rlabs bya tshul/ lha bzhi dril sgrub kyi byin rlabs dang nyams su len tshul/ mkha' 'gro ma su ka siddhi'i byin rlabs kyi yi ge rnams ngag dbang chos grags kyis mdzad pa/ brgyud pa'i gsol 'debs gnas sbyar ma khyung pos mdzad pa kha skong dang bcas pa/ tshar chen gyis mdzad pa'i brgyud 'debs kha skong dang bcas pa/ 'gyur med bde chen gyis mdzad pa'i yi dam lam khyer gyi dbang gi brgyud 'debs zung 'jug rgyal srid ma kha skong dang bcas pa/ ngag dbang bsod nams rgyal mtshan gyis mdzad pa'i brgyud 'debs sku gsum bdun ldan ma/ yang sku gsum bdun ldan chung ba rnams kyi steng nas dbang dang byin rlabs khrid stsal ba mdzad cing / de rnams kyi lung yang thob pa'i brgyud pa ni/ gong gi dbang byin rlabs khrid so so'i brgyud pa'i skabs ltar rtsa ba'i brgyud pa chen po dang 'dra'o/ /gsum pa rgyab brten lung gi skor la gdams pa 'di brgyud pa gang las byung ba'i 'byung khungs bstan pa'i sgo nas yid ches bskyed pa'i phyir brgyud pa'i rnam thar skor dang / brgyud pa de las byung ba'i gdams pa