[A:39]bral ba brnyes shing legs par smra bas/ de bzhin gshegs pa'i bka' lung 'thor ba rnams bsdu zhing ris su bsdebs pa dang / tshig don rgya chen po rnams nyung ngur sdud pa dang / zab cing brling ba rnams rnam par 'grol ba dang / 'khrugs pa'i tshul du bzhugs pa rnams go rim du bsdebs pa'i tshul gyis bsnyad pa la bsnyengs pa dang bral ba'i spobs pa phun sum tshogs pa dang ldan pa'i skyes bu dam pa/ ston pa bla na med pa nyi ma'i gnyen gyi lung dang rtogs pa'i bstan pa rin po che la bstan pa'i bya ba thos bsam bsgom gsum dang / mkhas pa'i bya ba 'chad rtsod rtsom gsum la gzhan dring mi 'jog pa'i skyes bu dam pa gang ji snyed cig byon pa rnams so/ /de'ang ji ltar dper mtshon na/ nges pa'i don du ston pa sangs rgyas bcom ldan 'das kyi thugs gnyis su med pa'i ye shes gcig nyid gdul bya'i snang ngor zhu ba po'i tshul du shar ba byang chub sems dpa' sems dpa' chen po phyag na rdo rje'i sgyu 'phrul gyi rnam par rol pa kho na las kyang / ston pa'i phrin las rjes su skyong ba bsam gyis mi khyab par 'byung bar lung bstan te/ dpal ye shes thig le'i rgyud las/ ji ltar na ma 'ongs pa'i dus su yang dag pa'i gsang ba'i rgyud sus skal ba ldan pa'i sems can la bshad pa byed par 'gyur/ bka' stsal pa/ phyag na rdo rje mgon pos bshad par byed do/ /mtha' yas pa yi 'jig rten khams/ /skye dang 'jig pa'i rgyu yin no/ /phyag na rdo rje mgon chen po/ /rdo rje 'dzin pa kun gyi bdag/ de la skye dang 'gag pa med/ /rang byung mchog gi dbang phyug