[A:40]go/ la lar sangs rgyas kyi ni gzugs/ /la lar he ru ka yi gzugs/ /la lar rgyud dang bstan bcos ni/ /mdzad dang la la du ni 'dzin/ /zhes gsungs pa lta bu'o/ /gnyis pa ji ltar 'grel zhing bshad pa ni/ slob dpon dbyig gnyen gyis/ ji skad du/ mdo don smra ba rnams kyis ni/ /dgos pa bsdus pa'i don can dang / /tshig don bcas dang mtshams sbyor bcas/ /brgal lan bcas te bsnyad par bya/ /zhes pa ltar bka' lung 'grel bshad byed pa'i thabs la lnga las/ dang po ni/ rnam bshad rig pa las/ mdo don che ba nyid thos nas/ /len dang 'dzin pa la sogs pa/ /nyan pa po de gus 'gyur bas/ /thog mar dgos pa brjod par bya/ /zhes gsungs pas/ bshad par bya ba'i bstan bcos gang brtsams pa de'i thog mar bstan bcos kyi dgos pa brjod par bya ste/ de thos pa'i dpyod ldan rnams kyis dgos pa phun sum tshogs pa de thob par 'dod de/ dgos pa can gyi chos de la gus par 'jug cing 'dzin par 'gyur ba'i phyir ro/ /de skad du'ang sa skya paNDi tas mkhas pa 'jug pa'i sgor/ bstan bcos dam par bstan pa'i phyir/ /ston pas thog mar dgos pa bstan/ /yongs su rtogs pa de mthong nas/ /spyod pa la yang cis mi 'jug / ces gsungs so/ /gnyis pa ni/ spyi'i don nam yan lag gi don gang yang rung bar brjod bya'i don 'dus pa dang / spyi gsal ma 'dres pa dang / sa mtshams ma nor ba dang / chod che ba dang / tshig gsal ba dang / brjod bde ba dang / ngag nyung ba dang / tshig snyoms pa la sogs pa'i