[A:413]gter/ /bla ma grum dang yon bdag nag po mkhar/ /gnyis tshogs gter sgo 'byed rnams la gsol ba 'debs/ /zhes pa'i gter ston gsum tshogs ni rkyang po grags pa dbang phyug sum pa byang chub tshul khrims/ 'bre shes rab bla ma gsum gyis yer pa se ba lung nas rta mgrin padma dbang chen yang gsang khros pa khrag 'thung lha dgu'i rgyud sgrub thabs man ngag rnams spyan drangs nas 'bru tshang gi gnyags ston la shog ser steng nas chos rgyun lan gcig tsam las spel rgyu ma byung bar gter rdur gyis rkyang po la mdze byung / sum pa 'das/ 'bre smyo bas shog ser rnams rta mgrin gyi grub thob zhu ston bya ba'i lag tu byung yang des zhu sa rtsad ma chod pas las 'phro gter brgyud kyi byin rlabs bka' ma nyams pa yongs grags la med par yun ring 'byams/ ring zhig na grub pa'i dbang phyug chen po 'dar phya ru ba gtsang jo mo nags rgyal na bzhugs pa'i dus slob dpon chen po padma 'byung gnas zhang tshe zla grags bya ba'i sngags pa zhig tu sprul nas dbang lung rnams rdzogs par gnang / sngags kyi oM de hrIHru bsgyur la sgrubs shig gsungs/ 'dar phyar gyis bla ma rgya la gter brgyud kyang rtsad chod nas gsan pa'i bka' gter zung 'jug gi chos skor la/ thog mar ras bris kyi dkyil 'khor du dbang bskur ba rgyal ba'i dbang po ngag dbang blo bzang rgya mtshos mdzad pa'i padma yang gsang khros pa'i las byang gyer sgom 'jigs med rdo rje'i sgra dbyangs dang kun mkhyen dpal ldan seng ge sa mdzad pa'i dbang chog bde chen myu gu la lha dbang gi lhan thabs