[A:487]mdzad bkral bka' srol che gsum thos/ /zhes dam pa'i chos thos pa'i yi ge don gnyer gdengs can rol pa'i chu gter las/ dpal gsang ba 'dus pa'i chos skor thos pa'i brgyud rim gyi sarga ste bcu drug pa'o/ // /gnyis pa zhe sdang can gtso bor 'dul ba gshin rje gshed kyi skor la dmar nag 'jigs gsum las dang po la pha bla na med pa'i rgyud kyi rgyal po thams cad kyi snying po'i yang snying rgyud dang man ngag gi dgongs pa ji lta ba bzhin du/ grub pa'i 'khor los sgyur ba rnal 'byor gyi dbang phyug dpal ldan chos skyong ngam birWa par zhes yongs su grags pa'i zhal snga nas legs par bkral ba'i dpal gshin rje gshed dmar po lha lnga'i ras bris kyi dkyil 'khor du dbang bskur ba/ ngor chen rdo rje 'chang chen pos mdzad pa'i mngon rtogs bdud rtsi'i bum pa/ shar chen gyis mdzad pa'i dkyil chog bdud rtsi'i rol mtsho/ thams cad mkhyen pa dkon mchog lhun grub kyis mdzad pa'i bkra shis/ ngor chen dkon mchog dpal ldan gyis mdzad pa'i dbang gi mtshams sbyor dang / paN chen nam mkha' dpal bzang gis mdzad pa'i mtshams sbyor sogs kyis bsdus pa rnams kyi steng nas dbang bzhi rdzogs par thob pa bka' babs gsum dang ldan pa las/ dang po chags lugs kyi brgyud pa ni/ bcom ldan 'das gshin rje gshed/ ye shes kyi mkha' 'gro ma/ rnal 'byor gyi dbang phyug dpal ldan birWa pa/
so ma pU ri/
grub pa'i dbang phyug Dombi he ru ka na dha ki ka
grub chen bi ra Di pa/ de bi ko Ta/
ma ti garbha/dza gaddhaH
gambhi ra ma ti/ rdo rje