[A:48]bral sdug bsngal spong / /bstan bcos drug bral gsum du 'dod/ /ces bstan bcos kyi rnam grangs dgur dbye ba las/ snga ma gnyis gnyis dman pa dang / /phyi ma re re bkar ba ni mchog ste/ de'ang don dang ldan pa'i bstan bcos/ sgrub pa lhur len gyi bstan bcos/ sdug bsngal spong ba'i bstan bcos te gsum du 'dod do/ /gnyis pa bye brag tu bshad pa la gnyis/ rgyu mtshan nyid kyi theg pa'i dgongs 'grel gyi bstan bcos dang / 'bras bu sngags kyi theg pa'i dgongs 'grel gyi bstan bcos so/ /dang po la gsum ste/ mtshan nyid/ sgra don/ dbye ba'o/ /dang po ni/ rtsom pa po rnam par g.yeng ba med pa'i yid can gyis de bzhin gshegs pa'i bka'i don rnam par bshad pa'i ngag gang zhig thar pa ste gnas skabs kyi thar pa ni ngan 'gro dang 'khor ba'i sdug bsngal las thar pa'i nyan rang gi byang chub tsam dang / mthar thug gi thar pa ni mi gnas pa'i mya ngan las 'das pa ste/ de dag thob par byed pa'i lam dang rjes su mthun pa nyid de/ rgyud bla ma las/ gang zhig rgyal ba'i bstan pa 'ba' zhig gi/ dbang byas rnam g.yeng med yid can gyis bshad/ /thar pa thob pa'i lam dang rjes mthun pa/ /de yang drang srong bka' bzhin spyi bos blangs/ /zhes bshad do/ /gnyis pa ni/ bstan bcos kyi skad dod la shAstra ste shA sa na dang tra yi zhes pa'i sgra las drangs na/ rgyu nyon mongs pa dug gsum bslab pa sum ldan du 'chos pa dang / 'bras bu ngan 'gro dang srid pa'i sdug bsngal las skyob par byed pas na bstan bcos te/ rnam bshad rig pa las/ nyon mongs