[A:47]pa'i gnyen por 'gyur ba'i dgos pa yod pa'i ldog pa nas gsungs te gnyen po ldem por dgongs pa yin yang / gang zag kha cig gis zab mo rnyed de/ sbyin pa mchog ma yin yang tshul khrims kyis chog par 'dzin pa bas sbyin pa la zhugs pa mchog yin pa'i dgongs gzhi rnyed pa'i bsam pas btsal na gang zag gi bsam pa la dgongs pa yin no/ /yang bsgyur nas gang zag kha cig sbyin pas chog par bltas nas tshul khrims la mi 'jug pa la/ tshul khrims bsngags la sbyin pa smad pa tshul khrims kho na la sbyor ba de mchog ma yin yang sbyin pa tsam gyis chog par 'dzin pa de tshul khrims la sbyor ba mchog yin par dgongs la/ dgongs gzhi rnyed pas btsal na gang zag gi bsam pa la dgongs pa'o/ /dgongs pa dang ldem por dgongs pa'i dgongs pa ni/ sangs rgyas chos dang brnyas pa dang / /le lo cung zad chog 'dzin dang / /nga rgyal 'dod chags spyod pa dang / /'gyod dang ma nges ldog pa ni/ /sems can rnams kyi sgrib pa ste/ /de yi gnyen por theg mchog gsungs/ /zhes gsungs pa ltar ro/ /des na bshad pa'i tshul de dag ci rigs pas de bzhin gshegs pa'i bka'i dgongs pa ji ltar 'grel zhing bshad pa'i tshul 'ga' zhig bstan pa yin no/ /gsum pa de ltar bkral ba'i bstan bcos dngos la/ spyir bshad pa dang / bye brag tu bshad pa gnyis las/ dang po ni/ spyir bstan bcos kyi dbye ba la/ slob dpon chen po ba su bandhus/ don med don log don dang ldan/ /thos rtsod sgrub la lhur len dang / /ngan g.yo rtse