[A:505]thabs las su bya ba'i cho ga sems dpa'
'di rwas 'gyur bcos mdzad pa'i gsal kha ma byung yang rwa chen gyi gsung la kha cig gsar 'gyur kha cig bcos zhes pa ltar na 'gyur bcos mdzad par mngon/
bsdus pa rgya gar gyi mkhan po manydzu shrI dznyA na dang bod kyi lo tsA ba rong sgom chos bzang rong zom chos bzang yin min brtag
gis bsgyur cing 'gos lhas btsas dbang phyug rgya mtshos zhus te gtan la phab pa/ slob dpon ratna A ka ra shAnti pas mdzad pa'i rdo rje 'jigs byed kyi (rwa)(kun)tshogs kyi 'khor lo rgya gar gyi mkhan po dI paM ka ra rakShi ta bha ro phyag rdum/
dang lo tsA ba dge slong rdo rje grags kyis bsgyur ba/ rgyud 'bum pa nas phyung ba'i las mkhan te'u lo pa'i rtog pa dkar chag na rtog pa zhes pa las mi gsal ba gcig tu bsdoms pa 'dra'o/ /
dang te'u lo pa'i cho ga 'am rtog pa zhib mo dI paM ka ra dang rwa lo rdo rje grags kyis bsgyur ba/ slob dpon shrI bha dras mdzad pa'i dpal rdo rje 'jigs byed dpa' bo gcig pa'i sgrub thabs mdor bsdus pa/ 'gyur byang mi gsal yang rwa'i 'gyur yin nam snyam/
rwa chen rdo rje grags kyis mdzad pa'i rtog bdun gyi (rwa)(rdo rje)(kun)nag 'grel dpal rdo rje 'jigs byed kyi tshig don rnam par bshad pa/ rgya ston kun dga' brtson 'grus kyis dbang phyug chen po 'dul ba'i ched du 'jigs byed sprul tshul gsungs par mkhas grub rjes ma dag ces gsungs pa ni/ rwa chen gyis/ rgyud kyi rgyal po rtog bdun la/ nag 'grel mun pa'i mda' 'phen brtsams/ /zhes pa'i 'grel pa 'dir gsal bar gsungs pa ma gzigs pa 'dra zhing / gal te gzigs na mngon pa'i nga rgyal gyi la brgal bar sems so/