[A:51]sogs pa lta bu'o/ /bka' bar pa'i dgongs pa 'grel pa la/ lta ba'i cha gtso bor ston pa dbu ma rigs tshogs lnga lta bu ste/ lnga ni rtsa ba shes rab/ rigs pa drug cu pa/ stong nyid bdun cu pa/ zhib mo rnam 'thagartsod pa bzlog pa dang lnga'o/ /spyod pa'i cha gtso bor ston pa mdo kun las btus pa dang / bslab pa kun las btus pa/ lta spyod zung 'jug tu ston pa rin chen phreng ba dang / spyod 'jug dang / sgo rim gsum la sogs pa lta bu'o/ /mngon rtogs kyi rim pa ston pa/ sbas don yul mkhyen pa gsum/ nyams len sbyor ba bzhi/ 'bras bu chos sku ste brgyad du bsdus nas ston pa mngon par rtogs pa'i rgyan rjes 'brangs dang bcas pa'o/ /bka' tha ma'i dgongs pa 'grel pa la/ lta ba'i cha ston par byed pa ni/ byams pa dang 'brel pa'i chos sde nyi shu ste/ rtsa ba byams pas mdzad pa ni/ rgyan gnyis/ 'byed gnyis/ rgyud bla ma ste lnga las mngon rtogs rgyan ma gtogs pa'i phyi ma bzhi'o/ /'grel pa rgyas pa'i bstan bcos sa sde lnga/ bsdus pa'i bstan bcos sdom rnam pa gnyis te bdun no/ /sa sde lnga ni/ sa'i dngos gzhi dang / gtan la dbab pa bsdu ba/ gzhi bsdu ba/ rnam grangs bsdu ba/ rnam par bshad pa'i sgo bsdu ba dang lnga'o/ /sdom gnyis ni/ theg chen thun mong min pa'i sdom theg bsdus/ theg pa thun mong gi sdom mngon pa kun las btus pa gnyis so/ /dbyig gnyen gyis mdzad pa'i rab tu byed pa sde brgyad de/ brgyad ni nyi shu pa'i rab byed/ sum cu pa'i rab byed/ phung po lnga'i