[A:537]pa/ sdang bas zil mnan skye bo byang chub cher/ /bkri phyir khro bo'i rgyal por zlos pa'i gar/ /gshin rje mthar byed dmar nag 'jigs gsum gyi/ /dbang dang grol byed lam skor phal cher mnos/ /zhes dam pa'i chos thos pa'i yi ge don gnyer gdengs can rol pa'i chu gter las/ gshin rje'i gshed skor te pha rgyud kyi chos skor thos pa'i brgyud rim gyi sarga ste bcu bdun pa'o/ // /gsum pa gti mug can gtso bor 'dul bar byed pa rnam snang sgyu 'phrul drwa ba'i smin byed nyid ni sngon du thos pa ma byung ngo / /!/ gnyis pa shes rab bla na med pa'i rgyud kyis bstan pa'i skor la/ dpal 'khor lo bde mchog sbyang gzhi sgong skyes sbyong byed ltar legs par bkral ba'i he ru ka'i rigs dpal 'khor lo sdom pa lha drug cu rtsa gnyis kyi ras bris kyi dkyil 'khor chen por kun mkhyen bsod nams seng ge sa mdzad pa'i sgrub thabs dang / 'dren mchog gis mdzad pa'i mchod phreng / rje btsun rin po ches mdzad pa'i dkyil chog ngor chen dkon mchog lhun grub kyis mdzad pa'i gsal byed khyad par bzhi ldan dang / shar chen pa dang mkhan chen buddha lakShmIs mdzad pa'i dbang gi mtshams sbyor rnams la brten nas brgyud pa'i bka' babs dgu ldan gyi dbang bzhi rdzogs par nos pa'i bka' babs dang pos lugs kyi brgyud pa ni/
ngor chen dang mkhyen brtse'i gsan yig na bka' bab bdun las mi 'dug kyang jo bo lugs gnyis so sor bgrangs gnyos lugs bsnan pas dgu byung ngo / /
khyab bdag rdo rje 'chang / dpal phyag na rdo rje/ bram ze chen po sa ra ha/ mda' bsnun/
'phags pa klu sgrub/ grub chen